નવી દિલ્હી: કોલ ઈન્ડિયા લિમિટેડ (CIL) એ જણાવ્યું હતું કે જુલાઈ 2023 માં તેનું કોલસાનું ઉત્પાદન વાર્ષિક ધોરણે 13.4 ટકા વધીને 53.6 મિલિયન ટન થયું છે. CIL એ મંગળવારે એક નિવેદનમાં જણાવ્યું હતું કે ગયા વર્ષે જુલાઈમાં તેનું કોલસાનું ઉત્પાદન 47.3 મિલિયન ટન હતું. એપ્રિલ-જુલાઈ 2023 દરમિયાન તેનું ઉત્પાદન વધીને 229.1 મિલિયન ટન થયું છે, જે 2022ના સમાન સમયગાળામાં 207 મિલિયન ટન કરતાં 10.7 ટકા વધુ છે.
CILએ નાણાકીય વર્ષ 2023-24 દરમિયાન 780 મિલિયન ટન કોલસા ઉત્પાદનનો લક્ષ્યાંક રાખ્યો છે. કંપનીએ ગયા નાણાકીય વર્ષમાં 703 મિલિયન ટન કોલસાનું ઉત્પાદન કર્યું હતું.કંપનીના એક વરિષ્ઠ અધિકારીએ જણાવ્યું હતું કે, અમારી તમામ પેટાકંપનીઓએ અગાઉના નાણાકીય વર્ષ 2022-23ની સરખામણીમાં સારી વૃદ્ધિ નોંધાવી છે. તેમણે માહિતી આપી હતી કે તમામ પેટાકંપનીઓએ જુલાઈ 2023 સુધીમાં પોતપોતાના લક્ષ્યાંકો હાંસલ કરી લીધા છે.