નવી દિલ્હી: ટાટા જૂથની કંપની ટાઇટન ચાલુ નાણાકીય વર્ષ દરમિયાન તેની જ્વેલરી બ્રાન્ડ તનિષ્ક માટે 18 નવા આંતરરાષ્ટ્રીય સ્ટોર્સ ખોલવા માટે તૈયાર છે. આમાંના મોટાભાગના સ્ટોર્સ ખાડી વિસ્તારમાં ખોલવામાં આવશે. તેનાથી કંપનીના આંતરરાષ્ટ્રીય સ્ટોરની સંખ્યા 25 થઈ જશે. ટાઇટન કંપની લિ. તનિષ્કના વાર્ષિક અહેવાલમાં જણાવાયું છે કે કેટલાક નવા પ્રદેશોમાં સ્ટોર્સ ખોલવાની કામગીરીની જટિલતાઓ હોવા છતાં, કંપનીએ ગલ્ફ કોઓપરેશન કાઉન્સિલ (GCC) અને યુએસ માર્કેટમાં તનિષ્ક બ્રાન્ડ જ્વેલરી માટેની ગ્રાહક માંગને પહોંચી વળવા તેની વ્યૂહરચના “આક્રમક રીતે” વિસ્તારી છે.
ટાઇટને કહ્યું, “કંપની નાણાકીય વર્ષ 2023-24ના અંત સુધીમાં 25 આંતરરાષ્ટ્રીય સ્ટોર્સને લક્ષ્યાંકિત કરી રહી છે.” તનિષ્કે નાણાકીય વર્ષ 2022-23માં તેના આંતરરાષ્ટ્રીય તનિષ્ક સ્ટોર્સની સંખ્યા બેથી વધારીને સાત કરી છે. કંપનીને આંતરરાષ્ટ્રીય બજારમાંથી સકારાત્મક પ્રતિસાદ મળ્યો છે અને તે તેની હાજરી વધુ આક્રમક રીતે વિસ્તારવા માંગે છે.” અહેવાલમાં ઉમેર્યું હતું કે તનિષ્કનો હેતુ NRI/PIO માર્કેટમાં અગ્રણી જ્વેલરી બ્રાન્ડ બનવાનો છે. જ્વેલરી ઉપરાંત, ટાટા જૂથની કંપનીએ ગયા વર્ષે દુબઈમાં આઈવેર બ્રાન્ડ ‘ટાઈટન આઈ પ્લસ’ માટે તેનો પહેલો આંતરરાષ્ટ્રીય સ્ટોર પણ ખોલ્યો હતો. કંપની વધુ સ્ટોર્સ ખોલવાની યોજના ધરાવે છે.