વિશ્વ પ્રસિદ્ધ ટેનિસ સ્ટાર રાફેલ નડાલને આઈટી કંપની ઈન્ફોસિસના બ્રાન્ડ એમ્બેસેડર બનાવવામાં આવ્યા છે. જાણકારી અનુસાર, ઈન્ફોસિસે સ્ટોક એક્સચેન્જને રેગ્યુલેટરી ફાઈલિંગમાં આ વાતનો ખુલાસો કર્યો છે. ઈન્ફોસિસની રાફેલ નડાલ સાથે 3 વર્ષની ડીલ થશે.
ઈન્ફોસિસ સાથેના આ કરાર પર રાફેલ નડાલે ટ્વિટર X પર એક વીડિયો પણ પોસ્ટ કર્યો છે, રાફેલ નડાલે કહ્યું કે, ઈન્ફોસિસ સાથે નજીકથી કામ કરીને હું ખૂબ જ ખુશ છું.
છેલ્લા એક દાયકાથી નાફેલ નડાલ રોજર ફેડરરની સાથે ટેનિસ જગતમાં ધૂમ મચાવી રહ્યો છે. સ્પેનના 37 વર્ષીય રાફેલ નડાલે 14 ફ્રેન્ચ ઓપન ટાઇટલ સહિત 22 ગ્રાન્ડ સ્લેબ ટૂર્નામેન્ટ જીતી છે.
ઈન્ફોસિસના સીઈઓ અને એમડી સલિલ પરીખે જણાવ્યું હતું કે, “અમને કંપનીના બ્રાન્ડ એમ્બેસેડર તરીકે વિશ્વના સૌથી પ્રતિષ્ઠિત ચેમ્પિયન એથ્લેટ અને વ્યક્તિગત, રાફેલ નડાલનું સ્વાગત કરવામાં ગર્વ છે.