અગ્રણી ઇલેક્ટ્રિક યુટિલિટી કંપની ટોરેન્ટ પાવરે ઇલેક્ટ્રિક મોબિલિટી ઇન્ફ્રાસ્ટ્રક્ચર સ્પેસમાં પ્રવેશ કર્યો છે. કંપનીએ શરૂઆતમાં અમદાવાદમાં ચાર EV ચાર્જિંગ સ્ટેશનોથી શરૂઆત કરી છે. જ્યારે સુરતમાં તે ટૂંક સમયમાં બે ચાર્જિંગ સ્ટેશન શરૂ કરશે. તેમજ ટુંક સમયમાં વધુ શહેરો ઉમેરવામાં આવશે. અમદાવાદ મ્યુનિસિપલ કોર્પોરેશનના કમિશનર એમ તેનરસને ટોરેન્ટ પાવરના ચાર ઇવી ચાર્જિંગ સ્ટેશનનું ઉદ્ઘાટન કર્યું હતું. તેમણે પ્રહલાદનગર ઓફિસમાં કંપનીનું ઉદ્ઘાટન કર્યું. સિમેન્સ ઈન્ડિયાના એક્ઝિક્યુટિવ વાઈસ પ્રેસિડેન્ટ રોબર્ટ ડીમેનની હાજરીમાં લોન્ચિંગ કરવામાં આવ્યું હતું.
અમદાવાદ અને સુરતના નાગરિકો માટે હરિયાળા, સ્વચ્છ અને ટકાઉ ભવિષ્ય તરફ આ એક મહત્વપૂર્ણ પગલું છે. ઇલેક્ટ્રિક વાહનો શૂન્ય પ્રદૂષિત છે અને તે નોંધપાત્ર રીતે ઉત્સર્જન ઘટાડવાની અને શહેરોમાં હવાની ગુણવત્તા સુધારવાની ક્ષમતા ધરાવે છે. લોકોને ઇલેક્ટ્રિક વાહનો પર સ્વિચ કરવા પ્રોત્સાહિત કરીને પરિવહન ક્ષેત્રે ક્રાંતિ લાવવા માટે મજબૂત EV ચાર્જિંગ ઇન્ફ્રાસ્ટ્રક્ચરનું નિર્માણ કરવું એ ચાવીરૂપ છે. ટોરેન્ટ પાવરના ડાયરેક્ટર વરુણ મહેતાએ જણાવ્યું હતું કે અમે એક વ્યાપક EV ચાર્જિંગ નેટવર્ક બનાવવા પર કામ કરી રહ્યા છીએ. ટોરેન્ટ વ્યાપક અને ભરોસાપાત્ર ચાર્જિંગ નેટવર્ક પ્રદાન કરીને EV અપનાવવાને પ્રોત્સાહન આપે તેવી અપેક્ષા છે. કંપનીએ આ EV ચાર્જિંગ સ્ટેશન પ્રહલાદનગર, નારણપુરા, ડ્રાઇવ-ઇન-રોડ અને રાયપુરમાં સ્થાપ્યા છે.