ટ્રેન ટિકિટમાં નામ અને ઉંમર કેવી રીતે બદલવી ભારતીય રેલ્વે તેના મુસાફરોને આવી ઘણી સુવિધાઓ પૂરી પાડે છે, જેના વિશે બહુ ઓછા લોકો જાણતા હોય છે. આવો જ એક નિયમ છે ટિકિટ ટ્રાન્સફરનો. જો તમે ઇચ્છો, તો તમે તમારી કન્ફર્મ થયેલી ટિકિટ બીજા કોઈને ટ્રાન્સફર કરી શકો છો. રેલવે તમને ટિકિટ ટ્રાન્સફરની સુવિધા આપે છે. એટલે કે અન્યની કન્ફર્મ ટિકિટ પર તમે સરળતાથી મુસાફરી કરી શકો છો. રેલવેએ પણ ટ્વીટ કરીને તેની પદ્ધતિનો ખુલાસો કર્યો છે.
ટિકિટ ટ્રાન્સફર કરવાની રીત સમજાવતા રેલવેએ કહ્યું છે કે લોકો તેમના પરિવારના સભ્યોના નામે ટિકિટ ટ્રાન્સફર કરી શકે છે. જો તમારી પાસે કન્ફર્મ ટિકિટ છે અને તમે મુસાફરી કરી શકતા નથી, તો તમે તમારા પરિવારના સભ્યના નામે તે ટિકિટ ટ્રાન્સફર કરી શકો છો. આજે અમે તમને જણાવીએ છીએ કે તમે તમારી કન્ફર્મ ટિકિટ પર તમારા પરિવારના સભ્યોને મુસાફરી કરાવી શકો છો.
ટિકિટ પર પેસેન્જરનું નામ કેવી રીતે બદલવું
ભલે તમે કાઉન્ટર પરથી ટિકિટ ખરીદી હોય અથવા ઓનલાઈન બુક કરાવી હોય, તમારે નામ બદલવા માટે કાઉન્ટર પર જવું પડશે. આ માટે, ટિકિટની પ્રિન્ટઆઉટ અને તમે જે વ્યક્તિનું નામ રજીસ્ટર કરવા માગો છો તેનું અસલ આઈડી, ફોટોકોપી સાથે કાઉન્ટર પર લઈ જવાનું રહેશે. ત્યારપછી ઓનલાઈન અથવા કાઉન્ટર પરથી લીધેલી ટિકિટ પર નામ બદલાશે.
આ સુવિધા વેઇટિંગ લિસ્ટ અથવા RAC પર ઉપલબ્ધ રહેશે નહીં.
આ માટે તમારે પેસેન્જરનું નામ બદલવું પડશે. IRCTC મુસાફરોને તેમની ટિકિટ પર મુસાફરનું નામ બદલવાની મંજૂરી આપે છે. જો કે, આ ફેરફાર એક જ ટિકિટ પર માત્ર એક જ વાર કરી શકાશે. સૌથી મહત્વની બાબત એ છે કે તમારી ટિકિટ કન્ફર્મ હોવી જોઈએ. તમે વેઇટલિસ્ટ અથવા RAC ટિકિટ ટ્રાન્સફર કરી શકશો નહીં.
24 કલાક પહેલા નામ બદલી શકાય છે
જો તમે ટિકિટ પર મુસાફરનું નામ બદલવા માંગો છો, તો તમારે કેટલાક નિયમોનું પણ ધ્યાન રાખવું પડશે. ધ્યાનમાં રાખો કે મુસાફરો ટ્રેન ઉપડવાના 24 કલાક પહેલા જ રિઝર્વેશન કાઉન્ટર પરથી પોતાનું નામ બદલી શકે છે. તે પછી આ સુવિધા બંધ થઈ જાય છે. તમારી કન્ફર્મ ટિકિટ પર માત્ર માતા-પિતા, ભાઈ-બહેન, પુત્ર, પુત્રી, પતિ અને પત્નીના નામ જ ટ્રાન્સફર કરી શકાય છે.
તમે બોર્ડિંગ સ્ટેશન પણ બદલી શકો છો
આ સિવાય તમે IRCTC વેબસાઈટ પરથી બોર્ડિંગ સ્ટેશન પણ બદલી શકો છો. આ માટે, તમારે IRCTC વેબસાઇટ પર જઈને તમારા એકાઉન્ટમાં લોગ ઇન કરવું પડશે. પછી તમે તમારા બોર્ડિંગ સ્ટેશનનું નામ બદલી શકો છો. ઑફલાઇન મોડ (રિઝર્વેશન કાઉન્ટર)માં ટિકિટ બુક કરાવવામાં આવે તો ભારતીય રેલ્વે બોર્ડિંગ સ્ટેશનના નામમાં ફેરફાર કરવાની મંજૂરી આપતું નથી.