ભારતીય મીડિયા કંપની ઝીએ અમેરિકન કંપની ડિઝનીને કહ્યું છે કે તે 1.4 બિલિયન ડોલરના ખર્ચે ક્રિકેટ ઈવેન્ટ્સના પ્રસારણ અધિકારો ખરીદવાના સોદાને આગળ વધારવા માંગતી નથી. આ ઘટના સાથે જોડાયેલા સૂત્રોએ આ જાણકારી આપી. ઉલ્લેખનીય છે કે, ઝીએ ઓગસ્ટમાં સ્ટોક એક્સચેન્જને આપેલી ફાઇલિંગમાં કહ્યું હતું કે તેણે ICC ક્રિકેટ મેચોના પ્રસારણના અધિકારો મેળવવા માટે ડિઝની સાથે વ્યૂહાત્મક લાયસન્સ કરાર કર્યો છે. જે અંતર્ગત તેમને 2024થી 4 વર્ષ સુધી મેચના પ્રસારણનો અધિકાર મળશે જ્યારે સ્ટ્રીમિંગ અધિકાર ડિઝની પાસે રહેશે.
સૂત્રોના જણાવ્યા અનુસાર, ઝીએ ડિઝનીને કહ્યું છે કે તે આ રકમ ચૂકવવાની સ્થિતિમાં નથી અને તેથી તે આ સોદો રદ કરવા માંગે છે. ઝી એ ડીલનો પ્રથમ હપ્તો એટલે કે $200 મિલિયન ગયા અઠવાડિયે ચૂકવવાનું હતું, જે તે ચૂકવી શક્યું નથી.