સંદીપ રેડ્ડી વાંગા દ્વારા નિર્દેશિત ફિલ્મ ‘એનિમલ’એ બોક્સ ઓફિસ પર જોરદાર કમાણી કરી હતી. આ ફિલ્મે 500 કરોડથી વધુની કમાણી કરી છે. આ ફિલ્મમાં રણબીર કપૂરની એક્ટિંગની સાથે અન્ય વ્યક્તિની પણ ખૂબ ચર્ચા થઈ હતી. તે બીજું કોઈ નહીં પણ તૃપ્તિ ડિમરી છે.
આ ફિલ્મ પછી તૃપ્તિ ડિમરી ફેમસ થઈ ગઈ. અભિનેત્રીએ હવે ‘એનિમલ’, ‘કાલા’ અને ‘બુલબુલ’માં પોતાના અભિનયથી દર્શકોને પ્રભાવિત કરીને બોલિવૂડમાં પોતાની જાતને એક ઉભરતા સ્ટાર તરીકે સ્થાપિત કરી છે.
જો કે, અભિનેત્રી ઘણીવાર તેની ડેટિંગ લાઇફને લઈને હેડલાઇન્સમાં રહે છે. હવે તેનું નામ મોડલથી બિઝનેસમેન બનેલા સેમ મર્ચન્ટ સાથે જોડાયેલું છે. તમને જણાવી દઈએ કે અગાઉ તૃપ્તિ વિશે એવી અફવા હતી કે તે અનુષ્કા શર્માના ભાઈ કર્ણેશ શર્માને ડેટ કરી રહી છે.
સેમ મર્ચન્ટ સાથે તૃપ્તિની ઘણી તસવીરો સોશિયલ મીડિયા પર વાયરલ થઈ રહી છે. બંને એકસાથે અનેક લગ્નોમાં હાજરી આપતાં જોઈ શકાય છે.
સેમ મર્ચન્ટના ઇન્સ્ટાગ્રામ બાયો અનુસાર, તે ગોવામાં સ્થિત વોટર્સ બીચ લોન્જ એન્ડ ગ્રીલના સ્થાપક છે. હાલમાં તેના Instagram પર લગભગ 249k ફોલોઅર્સ છે.
તૃપ્તિ અગાઉ સમાચારમાં હતી જ્યારે ‘એનિમલ’માં રણબીર કપૂર સાથેના તેના અંતરંગ દ્રશ્યો સોશિયલ મીડિયા પર ચર્ચાનો વિષય બન્યા હતા. તેણે આ દ્રશ્યો વિશે વાત કરી.
તૃપ્તીએ કહ્યું હતું કે ફિલ્મ એનિમલના સીન કરતી વખતે હું ખૂબ જ અજીબ અનુભવી રહી હતી. જોકે, સંદીપ સરએ મને હિંમત આપી કે શૂટિંગ દરમિયાન માત્ર 4 લોકો જ હશે.
અભિનેત્રીએ વધુમાં જણાવ્યું હતું કે, સીન દરમિયાન રણબીર વારંવાર પૂછી રહ્યો હતો કે શું તમે ઠીક છો અને આમ કરતી વખતે મેં આખી ફિલ્મનું શૂટિંગ કર્યું હતું. તે મારા માટે ખૂબ જ સારો અનુભવ હતો.
વર્ક ફ્રન્ટની વાત કરીએ તો તૃપ્તિ છેલ્લે નેટફ્લિક્સ ફિલ્મ ‘કાલા’માં જોવા મળી હતી. તે આગામી અનટાઈટલ્ડ ફિલ્મમાં વિકી કૌશલ અને એમી વિર્ક સાથે કામ કરશે.