થાઈલેન્ડમાં મ્યાનમાર બોર્ડર પાસે સેના સાથેની અથડામણમાં 15 ડ્રગ સ્મગલરો માર્યા ગયા. સેનાએ દાણચોરો પાસેથી ડ્રગ મેથામ્ફેટામાઈનની 20 લાખ ગોળીઓ જપ્ત કરી છે. સેનાને ચિયાંગ પ્રાંતમાં સરહદ નજીક દાણચોરીની ગુપ્ત માહિતી મળી હતી.
સેનાએ જવાબી ગોળીબારમાં 15 દાણચોરોને ઠાર કર્યા હતા
દરોડા દરમિયાન સેનાના અધિકારીઓને આ વિસ્તારમાં 20 લોકો પીઠ પર બેગ લઈને જતા જોવા મળ્યા હતા. જ્યારે અધિકારીઓએ તેમને ઓળખ આપવા અને બેગની તપાસ કરવાનું કહ્યું, ત્યારે તસ્કરોએ સેના પર ગોળીબાર શરૂ કર્યો. સેનાએ જવાબી કાર્યવાહી કરીને 15 દાણચોરોને ઠાર કર્યા.
ફાયરિંગમાં માર્યા ગયેલા દાણચોરોની હજુ સુધી ઓળખ થઈ શકી નથી
અધિકારીઓએ જણાવ્યું કે ગોળીબારમાં માર્યા ગયેલા 15 દાણચોરોની હજુ સુધી ઓળખ થઈ નથી. NCB ડ્રગ્સનો સ્ત્રોત શોધવામાં વ્યસ્ત છે. આ પહેલા બુધવારે મ્યાનમાર બોર્ડર પાસે મેથામ્ફેટામાઈનની પાંચ કરોડ ગોળીઓ જપ્ત કરવામાં આવી હતી.