ક્રાઇમ શો CID માં ફ્રેડરિક્સ(સીઆઈડી ફ્રેડી)ની ભૂમિકા ભજવનાર દિનેશ ફડનીસે 57 વર્ષની વયે આ દુનિયાને અલવિદા કહી દીધું. દિનેશ હવે અમારી સાથે નથી.
દિનેશ ફડનીસનું મંગળવારે અવસાન થયું હતું. શોમાં દયાની ભૂમિકા ભજવનાર તેમના સીઆઈડી કો-એક્ટર દયાનંદ શેટ્ટીએ તેમના મૃત્યુની માહિતી આપી હતી. મીડિયા રિપોર્ટ્સ અનુસાર, અભિનેતાનું મૃત્યુ મલ્ટીપલ ઓર્ગન ફેલ્યોર થવાને કારણે થયું હતું.
દયાનંદ શેટ્ટીએ ઈન્ડિયન એક્સપ્રેસને જણાવ્યું કે, દિનેશ બપોરે 12.08 વાગ્યે અંતિમ શ્વાસ લીધા. તેમની મુંબઈની તુંગા હોસ્પિટલમાં સારવાર ચાલી રહી હતી. અભિનેતાએ કહ્યું, “ઘણી બધી ગૂંચવણો હતી અને ગઈકાલે રાત્રે તેને વેન્ટિલેટરથી દૂર કરવામાં આવ્યો હતો.
શુક્રવારે રાત્રે સમાચાર આવ્યા કે દિનેશને હાર્ટ એટેક આવ્યો હતો અને તેને હોસ્પિટલમાં દાખલ કરવામાં આવ્યો હતો. જો કે, બાદમાં દયાનંદ શેટ્ટીએ કહ્યું હતું કે તેમને હાર્ટ એટેક નથી આવ્યો પરંતુ બીજું કોઈ કારણ હતું, જે તેઓ કહી શક્યા નહીં.
CIDમાં ફ્રેડરિક્સની ભૂમિકાથી દિનેશ ઘણો લોકપ્રિય બન્યો હતો. આ શો 1998 થી 2018 સુધી ટીવી પર ચાલ્યો હતો. આ શોના દરેક પાત્રને દર્શકોએ ખૂબ પસંદ કર્યું હતું.
દિનેશે તેના ઈન્સ્ટાગ્રામ પર CID ટીમ સાથેની ઘણી તસવીરો શેર કરી હતી. જોકે, તેમના નિધનના સમાચાર સાંભળીને ચાહકો આઘાતમાં છે.
CID સિવાય દિનેશે આમિર ખાનની ફિલ્મ સરફરોશથી લઈને રિતિક રોશનની સુપર 30માં કામ કર્યું હતું.