ધડકન: ધર્મેશ દર્શન દ્વારા નિર્દેશિત ધડકન, જેમાં શિલ્પા શેટ્ટી, અક્ષય કુમાર અને સુનીલ શેટ્ટી મુખ્ય ભૂમિકામાં છે. આ ફિલ્મ વર્ષ 2000 માં રિલીઝ થઈ હતી અને તે થિયેટરોમાં બ્લોકબસ્ટર સાબિત થઈ હતી. 9 કરોડના બજેટમાં બનેલી આ ફિલ્મે અંદાજે 26 કરોડ રૂપિયાની કમાણી કરી હતી. ફિલ્મમાં દેવના રોલમાં સુનીલને દર્શકોએ ખૂબ જ પસંદ કર્યો હતો, પરંતુ શું તમે જાણો છો કે આ રોલ સૌથી પહેલા દિગ્ગજ અભિનેતા રાજકુમારના પુત્ર પુરુ રાજકુમારને ઓફર કરવામાં આવ્યો હતો. રાજ કુમારના પુત્ર પુરુ રાજકુમારે 1996માં ‘બાલ બ્રહ્મચારી’થી બોલિવૂડમાં એન્ટ્રી કરી હતી. તેણે પોતાના કરિયરમાં કોઈ સફળ ફિલ્મ કરી નથી. પુરુએ તેના પિતાની જેમ સુપરસ્ટાર બનવા માટે ઘણી કોશિશ કરી, પરંતુ તે સફળ ન થઈ શક્યા. દર્શકોને તેની ફિલ્મો પસંદ ન આવી. સુનીલનો રોલ પુરુને ઓફર કરવામાં આવ્યો હતો. જોકે તેણે તેનો ઇનકાર કર્યો હતો.