મુંબઈઃ નાણાકીય વર્ષ 2024 ના છેલ્લા ક્વાર્ટરમાં, નિફ્ટી 50 કંપનીઓના નફામાં વૃદ્ધિ પાંચ ક્વાર્ટરમાં સૌથી નીચા સ્તરે જોવા મળે છે. વિવિધ બ્રોકરેજ હાઉસ દ્વારા એવો પણ અંદાજ છે કે કંપનીઓની આવક વૃદ્ધિ છેલ્લા બે ક્વાર્ટરની જેમ નીચા સિંગલ ડિજિટમાં જોવા મળશે.
FY24 ના Q4 માં નિફ્ટી 50 કંપનીઓના સંયુક્ત ચોખ્ખા નફામાં વાર્ષિક ધોરણે 3.10 ટકાનો વધારો થયો છે, જે છેલ્લા પાંચ ક્વાર્ટરમાં સૌથી ધીમી વૃદ્ધિ હોવાનું જણાય છે.
કંપનીઓનો સંયુક્ત ચોખ્ખો નફો Q4FY2024 માં રૂ. 1.87 ટ્રિલિયન હોવાનો અંદાજ છે, જે Q4FY2023 માં રૂ. 1.82 ટ્રિલિયન હતો.
છેલ્લા પાંચ ત્રિમાસિક ગાળામાં આ ત્રીજી વખત છે જ્યારે કંપનીઓનો સંયુક્ત ચોખ્ખો નફો રૂ. 1.80 ટ્રિલિયનને વટાવી ગયો છે, એમ બ્રોકરેજ હાઉસના અહેવાલમાં જણાવાયું છે.
માર્ચમાં પૂરા થયેલા ત્રિમાસિક ગાળામાં કંપનીઓનું ચોખ્ખું સંયુક્ત વેચાણ વાર્ષિક ધોરણે 5.40 ટકા વધીને રૂ. 14.31 ટ્રિલિયન થવાની ધારણા છે જે નાણાકીય વર્ષ 23 ના Q4 માં રૂ. 13.59 ટ્રિલિયન હતી.
અન્ય એક બ્રોકરેજ ફર્મે જણાવ્યું હતું કે નફા વૃદ્ધિમાં મંદી મુખ્યત્વે નીચા કાચા માલના ભાવની સ્થિતિના અંત અને આવક વૃદ્ધિની ધીમી ગતિને કારણે હતી.
બીજી તરફ, અન્ય એક અહેવાલ મુજબ, ધિરાણની ઊંચી વૃદ્ધિ અને સ્વસ્થ એસેટ ગુણવત્તાના પરિણામે માર્ચ ક્વાર્ટરમાં લિસ્ટેડ કોમર્શિયલ બેન્કોની અર્નિંગ ગ્રોથ ફ્લેટ રહેવાની શક્યતા છે.
નાણાકીય વર્ષ 2024 ના ચોથા ક્વાર્ટરમાં, બેંકનો નફો વાર્ષિક ધોરણે 9.60 ટકા અને ચોખ્ખી વ્યાજની આવક 8.70 ટકા વધવાની અપેક્ષા છે.
બેંકોમાં ક્રેડિટ ગ્રોથ મજબૂત છે અને ડિપોઝિટ ગ્રોથ વધી રહી છે. નવી એનપીએની ગતિ ધીમી પડતાં બેન્કોમાં એસેટ ક્વોલિટીમાં પણ સુધારો થવાની અપેક્ષા છે.