અમદાવાદઃ યુએસ ફેડરલ રિઝર્વે બે દિવસીય બેઠકના અંતે વ્યાજ દરો યથાવત રાખ્યા હતા. પરંતુ રિપોર્ટમાં આ વર્ષના અંત સુધીમાં વ્યાજદરમાં ક્વાર્ટર ટકાના ઘટાડાનો સંકેત આપ્યા બાદ યુએસ શેરબજારમાં આવેલી નવી તેજીને કારણે આજે શરૂઆતના કારોબારમાં ડાઉ જોન્સ 300 પોઈન્ટ ઉછળ્યો હતો.
ફેડરલ રિઝર્વની બે દિવસીય બેઠક બાદ આ વર્ષના અંત સુધીમાં અમેરિકામાં વ્યાજદરમાં ઘટાડો થવાની અપેક્ષાએ બજાર તેજીમય બન્યું હતું. પ્રાપ્ત સમાચાર અનુસાર સ્વિસ નેશનલ બેંક દ્વારા વ્યાજદરમાં પાંચ ટકાનો ઘટાડો કરવાની જાહેરાતના સમાચારની પણ બજાર પર અસર જોવા મળી હતી.
આ સમાચારો બાદ આજે શરૂઆતી કારોબારમાં ડાઉ જોન્સ 300 અંક વધીને 39820 પર છે. જ્યારે નાસ્ડેક ઈન્ડેક્સ 123 પોઈન્ટ વધીને 16492 પર છે.