ફોર્બ્સ દ્વારા 2024 માટે વિશ્વના અબજોપતિઓની યાદી જાહેર કરવામાં આવી છે. આ યાદીમાં 200 ભારતીયોના નામ સામેલ કરવામાં આવ્યા છે. ગયા વર્ષે તેમાં 169 ભારતીયોના નામ હતા. આ ભારતીયોની કુલ સંપત્તિ $954 બિલિયન છે, જે ગયા વર્ષના $675 બિલિયન કરતાં 41 ટકા વધુ છે.
મુકેશ અંબાણી ફોર્બ્સની ભારતીય અબજોપતિઓની યાદીમાં ટોચ પર છે, તેમની કુલ સંપત્તિ $83 બિલિયનથી વધીને $116 બિલિયન થઈ છે, જે તેમને $100 બિલિયન ક્લબમાં પ્રવેશનાર પ્રથમ એશિયન બન્યા છે. મુકેશ અંબાણીએ વિશ્વના નવમા સૌથી ધનિક વ્યક્તિ અને ભારત અને એશિયાના સૌથી ધનિક વ્યક્તિ તરીકે પોતાનું સ્થાન જાળવી રાખ્યું છે.
આ યાદીમાં ગૌતમ અદાણી બીજા સૌથી અમીર ભારતીય છે. તેમની સંપત્તિમાં $36.8 બિલિયનનો વધારો થયો છે. તેઓ $84 બિલિયનની નેટવર્થ સાથે યાદીમાં 17મા ક્રમે છે. સાવિત્રી જિંદાલ ભારતની સૌથી ધનિક મહિલા છે. ભારતના સૌથી અમીર લોકોની યાદીમાં તેમનું નામ ચોથા સ્થાને છે. એક વર્ષ પહેલા તે છઠ્ઠા સ્થાને હતી. તેમની કુલ સંપત્તિ $33.5 બિલિયન છે. આ લિસ્ટમાં 25 નવા ભારતીય અબજોપતિઓએ ડેબ્યુ કર્યું છે. જેમાં નરેશ ત્રેહાન, રમેશ કુન્હીકન્નન અને રેણુકા જગતિયાનીના નામ સામેલ છે. જ્યારે બૈજુ રવિન્દ્રન અને રોહિકા મિસ્ત્રીનું નામ યાદીમાંથી બાકાત રાખવામાં આવ્યું છે.
ભારતના 10 સૌથી ધનિક લોકો-
મુકેશ અંબાણી- નેટ વર્થ $116 બિલિયન
ગૌતમ અદાણી – નેટ વર્થ $84 બિલિયન
શિવ નાદર- નેટ વર્થ 36.9 બિલિયન ડોલર
સાવિત્રી જિંદાલ – નેટ વર્થ – $33.5 બિલિયન
દિલીપ સંઘવી – નેટ વર્થ – $26.7 બિલિયન
સાયરસ પૂનાવાલા – નેટ વર્થ – $21.3 બિલિયન
કુશલ પાલ સિંહ – નેટ વર્થ – $20.9 બિલિયન
કુમાર બિરલા – નેટ વર્થ – $19.7 બિલિયન
રાધાકિશન દામાણી – નેટ વર્થ – 17.6 બિલિયન ડોલર
લક્ષ્મી મિત્તલ – નેટ વર્થ – $16.4 બિલિયન