કેન્દ્રીય નાણાં પ્રધાન નિર્મલા સીતારમણ આજે ગુરુવારે (1 ફેબ્રુઆરી) નાણાકિય વર્ષ 2024-25 માટે વચગાળાનું બજેટ રજૂ કરશે. ભારતીય શેરબજાર આજે શરૂઆતી કારોબારમાં સપાટ ખુલ્યું હતું. સેન્સેક્સ 28 પોઈન્ટ ઘટીને 71,723 પર ટ્રેડ કરી રહ્યો છે. જ્યારે નિફ્ટી 11 અંક વધીને 21,737ના સ્તર પર ટ્રેડ કરી રહ્યો છે. આરબીઆઈની કાર્યવાહી બાદ પેટીએમના શેરમાં લગભગ 20%નો ઘટાડો થયો છે.
સેન્સેક્સે સત્રની શરૂઆત માત્ર 25 પોઈન્ટના વધારા સાથે કરી હતી. નિફ્ટીની પણ આવી જ શરૂઆત હતી. જોકે, ટ્રેડિંગ થોડી મિનિટો માટે રેડ ઝોનમાં સરકી ગયું હતું. શરૂઆતના ટ્રેડિંગમાં બજારમાં મર્યાદિત વધઘટ જોવા મળી રહી છે. સવારે 9.20 વાગ્યે સેન્સેક્સ 10 પોઈન્ટના મામૂલી વધારા સાથે 71,750 પોઈન્ટની નજીક હતો. નિફ્ટી 21,730 પોઈન્ટની નજીક લગભગ ફ્લેટ હતો.
સેન્સેક્સના 30 શેરોમાંથી 13 વધ્યા અને 17 ઘટ્યા. આરબીઆઈની કાર્યવાહી બાદ પેટીએમના શેરમાં લગભગ 20%નો ઘટાડો થયો છે. એક દિવસ પહેલા વૈશ્વિક ઘટાડાની અસર શરૂઆતના ટ્રેડિંગમાં બજાર પર જોવા મળી હતી, પરંતુ બાદમાં સેન્સેક્સ અને નિફ્ટીએ ઉત્તમ રિકવરી દર્શાવી હતી.
પ્રિ ઓપનમાં માર્કેટ મજબૂત રહ્યું હતું
બજાર ખુલે તે પહેલાં, ગિફ્ટી સિટીમાં નિફ્ટી ફ્યુચર્સ 21,800 માર્કની નજીક ગ્રીન ઝોનમાં નજીવા ઊંચા સ્તરે ટ્રેડ થઈ રહ્યા હતા. આ સંકેત આપી રહ્યું હતું કે બજેટના દિવસે સ્થાનિક બજારમાં સારી શરૂઆત થઈ શકે છે. પ્રી-ઓપન સેશનમાં BSE સેન્સેક્સ 315 પોઈન્ટથી વધુના વધારા સાથે 72 હજારને પાર કરી ગયો હતો. નિફ્ટી 50 પોઈન્ટથી વધુ વધીને 21,780 પોઈન્ટ પર હતો.