દિલ્હી; બિહાર સરકાર દ્વારા ચલાવવામાં આવી રહેલી જાતિ ગણતરીના કેસને લઈને ગુરુવારે સુપ્રીમ કોર્ટમાં સુનાવણી થશે. જસ્ટિસ અભય એસ ઓકા અને જસ્ટિસ રાજેશ બિંદલની બેન્ચ આ મામલે સુનાવણી કરશે. પ્રથમ ન્યાયાધીશ જસ્ટિસ સંજય કરોલે આ મામલાની સુનાવણીમાંથી પોતાને અલગ કરી લીધા હતા. જે બાદ ચીફ જસ્ટિસે નવી બેંચની રચના કરી છે.
તમને જણાવી દઈએ કે પટના હાઈકોર્ટે બિહારમાં થઈ રહેલી જાતિ ગણતરીના સર્વે પર વચગાળાનો સ્ટે લગાવી દીધો હતો. પટના હાઈકોર્ટે પોતાના આદેશમાં રાજ્ય સરકારને એકત્ર કરવામાં આવેલ ડેટાને સુરક્ષિત રાખવાનો પણ નિર્દેશ આપ્યો હતો. પટના હાઈકોર્ટે આ મામલાની સુનાવણી 3 જુલાઈએ કરવાનો આદેશ આપ્યો હતો. પરંતુ બિહાર સરકારે વહેલી સુનાવણીની માંગ કરતી અરજી દાખલ કરી હતી, પરંતુ પટના હાઈકોર્ટે તેનો ઈન્કાર કરી દીધો હતો. જે બાદ બિહાર સરકાર સુપ્રીમ કોર્ટમાં ગઈ હતી.