મેક ઈન ઈન્ડિયા ઈનિશિએટીવે ભારતની આ પહેલને વધારે ભાર આપ્યો છે. ભારત તેની સંરક્ષણ જરૂરિયાતોનો મોટો હિસ્સો વિદેશથી આયાત કરે છે. હવે અન્ય દેશો પર ભારતની નિર્ભરતા ઘટે તે માટે સ્થાનિક સ્તરે હથિયારો બનાવવામાં આવી રહ્યા છે. આત્મનિર્ભર ભારત પહેલના પોઝિટિવ રિઝલ્ટ જોવા મળ્યા છે, જેના કારણે વિદેશી સંરક્ષણ ખરીદી પરની નિર્ભરતા ઓછી થઈ છે..
અન્ય દેશો પાસેથી સંરક્ષણ ખરીદી ખર્ચનો હિસ્સો 2018-19માં 46 ટકાથી ઘટીને ડિસેમ્બર 2022 સુધીમાં 36.7 ટકા થયો છે. ભારતીય કંપનીઓએ નેવી માટે ઈલેક્ટ્રોનિક યુદ્ધ પ્રણાલી અને દરિયાઈ કામગીરી માટે હેલિકોપ્ટર બનાવ્યા છે. આ ઉપરાંત વાયુસેનાએ સુખોઈ SU-30 MKI જેટ માટે લાંબા અંતરના સ્ટેન્ડ-ઓફ હથિયારને પણ મંજૂરી આપી છે.