ભારતના વિદેશી મુદ્રા ભંડારમાં ફરી એકવાર વધારો જોવા મળ્યો છે. 30 જૂન, 2023 ના રોજ પૂરા થયેલા સપ્તાહમાં વિદેશી વિનિમય અનામત $1.85 બિલિયન વધીને $595.05 બિલિયન થયું હતું જે અગાઉના સપ્તાહમાં $593.2 બિલિયન હતું.
વિદેશી મુદ્રા ભંડારમાં વધારો
રિઝર્વ બેંક ઓફ ઈન્ડિયા દ્વારા જાહેર કરવામાં આવેલા આંકડા અનુસાર, વિદેશી હૂંડિયામણ $595.05 બિલિયન રહ્યું છે, જે અગાઉના સપ્તાહમાં $593.2 બિલિયન હતું. આરબીઆઈના ડેટા અનુસાર, વિદેશી ચલણની સંપત્તિ $2.53 બિલિયન વધીને $527.79 બિલિયન થઈ છે. જોકે આ સમયગાળા દરમિયાન સોનાના ભંડારમાં ઘટાડો જોવા મળ્યો છે. સોનાનો ભંડાર $472 મિલિયન ઘટીને $43.83 અબજ થયો છે. આરબીઆઈના જણાવ્યા અનુસાર, IMF પાસે અનામત $118 મિલિયન ઘટીને $5 બિલિયન થઈ ગયું છે. ભારતમાં વિદેશી હૂંડિયામણનું સર્વકાલીન ઉચ્ચ સ્તર ઓક્ટોબર 2021માં જોવા મળ્યું હતું જ્યારે વિદેશી વિનિમય અનામત $645 બિલિયન પર પહોંચી ગયું હતું. પરંતુ તે પછી આરબીઆઈએ રૂપિયાને ટેકો આપવા માટે ડોલર વેચવા પડ્યા હતા, જેના કારણે વિદેશી મુદ્રા ભંડારમાં ઘટાડો થયો હતો.
FIIના કારણે વિદેશી મુદ્રા ભંડારમાં વધારો
ગયા વર્ષે, રશિયા-યુક્રેન યુદ્ધ બાદ વિદેશી રોકાણકારો દ્વારા વેચાણને કારણે વિદેશી મુદ્રા ભંડાર ઘટીને $525 બિલિયન થઈ ગયો હતો. જો કે, નીચલા સ્તરેથી વિદેશી રોકાણકારો (FIIs) તરફથી ભારે નાણાપ્રવાહને કારણે વિદેશી મુદ્રા ભંડારમાં વધારો થયો છે.