ભારતીય શેરબજારો મામૂલી ઉછાળા સાથે ખુલ્યા અને BSE સેન્સેક્સ ગ્રીન ઝોનમાં ખુલ્યો. નિફ્ટી પણ 22 હજારની ઉપર ખુલવામાં સફળ રહ્યો હતો પરંતુ બજારની શરૂઆતની મિનિટોમાં તે ફ્લેટ રેન્જમાં લપસતો જોવા મળ્યો હતો. બીએસઈનો 30 શેરોનો મુખ્ય સૂચકાંક સેન્સેક્સ 54.41 પોઈન્ટના મામૂલી વધારા સાથે 72,677 પર ખુલ્યો. NSEનો નિફ્ટી 26.50 પોઈન્ટના મામૂલી વધારા સાથે 22,081 પર ખુલ્યો હતો.
શનિવાર 2 માર્ચે શેરબજાર ખુલ્યું
નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) એ શનિવાર, 2 માર્ચના રોજ વિશેષ ટ્રેડિંગ સત્રની જાહેરાત કરી છે. NSE અને BSE એ બુધવારે એક પરિપત્ર જારી કર્યો હતો કે 2 માર્ચે નિર્ધારિત સત્ર દરમિયાન ઇક્વિટી અને ઇક્વિટી ડેરિવેટિવ્ઝ સેગમેન્ટમાં ટ્રેડિંગને મંજૂરી આપવામાં આવશે. આ દિવસે ડિઝાસ્ટર રિકવરી સાઇટ (DR સાઇટ) પર ઇન્ટ્રાડે સ્વિચ થશે. આ DR સાઇટ સાયબર હુમલાના કિસ્સામાં ડેટાને સુરક્ષિત રાખવા માટે કામ કરશે. આ સિવાય બિઝનેસ પણ વધુ સુરક્ષિત બનશે.