ભારતીય શેરબજારમાં ઉત્તેજના છે અને યુએસ ફેડરલ રિઝર્વની 2 દિવસીય બેઠકના કારણે બજારમાં હલચલ જોવા મળી રહી છે. ગઈકાલે રાત્રે અમેરિકન બજારોમાં સારો ઉછાળો જોવા મળ્યો હતો અને ડાઉ જોન્સ વધીને બંધ થવાને કારણે સ્થાનિક બજારોને પણ સપોર્ટ મળી રહ્યો છે. બેંક નિફ્ટી આજે 53.05 પોઈન્ટ અથવા 0.11 ટકાના વધારા સાથે 49,477ની નવી રેકોર્ડ હાઈ પર ખુલ્યો હતો.
શેરબજારની શરૂઆત કેવી રીતે થઈ?
આજના કારોબારમાં BSE સેન્સેક્સ 129.61 પોઈન્ટ અથવા 0.17 ટકા વધીને 74,800 પર ખુલ્યો હતો. NSEનો નિફ્ટી 36.25 પોઈન્ટ અથવા 0.16 ટકાના વધારા સાથે 22,679 પર ખુલ્યો હતો.
પ્રી-ઓપનિંગમાં બજારની સ્થિતિ કેવી હતી?
પ્રી-માર્કેટ સેન્સેક્સ 131 પોઈન્ટ અથવા 0.18 ટકા વધીને 74803 પર ટ્રેડ કરી રહ્યો હતો જ્યારે એનએસઈનો નિફ્ટી 34.90 પોઈન્ટ અથવા 0.15 ટકા વધીને 22678 પર ટ્રેડ કરી રહ્યો હતો.