ભારતે ધર્મશાલામાં છેલ્લી અને પાંચમી ટેસ્ટ જીતી છે. ઈંગ્લેન્ડ બીજી ઈનિંગમાં 195 રનમાં ઓલઆઉટ થઈ ગયું હતું. ભારતે ઈંગ્લેન્ડને ઈનિંગ અને 55 રનથી હરાવ્યું છે. ભારત પ્રથમ દાવમાં 477 રનમાં ઓલઆઉટ થઈ ગયું હતું. ભારતને પ્રથમ દાવમાં 259 રનની લીડ મળી હતી. પોતાની 100મી ટેસ્ટ રમીને તેણે પાંચમી મેચમાં કુલ 9 વિકેટ ઝડપી હતી.
ઈંગ્લેન્ડ બીજી ઈનિંગમાં 200 રનમાં ઓલઆઉટ થઈ ગયું
બીજી ઈનિંગમાં બેન ડકેટ 2 રન, જેક ક્રોલી 0, ઓલી પોપ 19, જોની બેરસ્ટો 39, બેન સ્ટોક્સ 2, બેન ફોક્સ 8, બેન ફોક્સ 20 અને ટોમ હાર્ટલી ખાતું ખોલાવ્યા વિના આઉટ થઈ ગયા હતા. પોતાની 100મી ટેસ્ટ રમી રહેલા રવિચંદ્રન અશ્વિને 5 વિકેટ લીધી હતી. જસપ્રીત બુમરાહે બે વિકેટ લીધી હતી. કુલદીપ યાદવને પણ એક વિકેટ મળી હતી. ઈંગ્લેન્ડની બીજી ઈનિંગની બીજી જ ઓવરમાં ટીમને પહેલો ઝટકો લાગ્યો હતો. ઇંગ્લિશ ઓપનર બેન ડકેટ બે રન બનાવીને આઉટ થયો હતો. તેને સ્ટાર સ્પિનર અશ્વિને બોલ્ડ કર્યો હતો.
અશ્વિને 100મી ટેસ્ટમાં શાનદાર પ્રદર્શન કર્યું હતું
ઇંગ્લિશ કેપ્ટન બેન સ્ટોક્સના આઉટ થતાં જ અડધી ટીમ 103 રનના સ્કોર પર પેવેલિયન પરત ફરી ગઈ છે. બેન સ્ટોક્સ અશ્વિને બોલ્ડ કર્યો હતો. તેણે 10 બોલનો સામનો કર્યો અને 2 રન બનાવ્યા. અશ્વિને હવે બીજી ઇનિંગમાં પણ ચાર વિકેટ ઝડપી છે. આ વિકેટ સાથે અમ્પાયરે લંચ જાહેર કર્યું. ટીમ ઈન્ડિયા આ ટેસ્ટ જીતીને વર્લ્ડ ટેસ્ટ ચેમ્પિયનશિપમાં ટોપ પર રહેવા ઈચ્છશે.
ગિલ-રોહિતે પ્રથમ દાવમાં સદી ફટકારી હતી
ગિલ અને રોહિતે પ્રથમ દાવમાં શાનદાર સદી ફટકારી હતી. શુભમન ગિલ 110 રન બનાવીને આઉટ થયો હતો, તે જેમ્સ એન્ડરસન દ્વારા બોલ્ડ થયો હતો. રોહિત શર્મા 103 રન બનાવીને આઉટ થયો હતો, તેને ઈંગ્લિશ કેપ્ટન બેન સ્ટોક્સે બોલ્ડ કર્યો હતો. સ્ટોક્સે શ્રેણીમાં પ્રથમ બોલ ફેંક્યો હતો. યશસ્વી જયસ્વાલે 57 રન બનાવ્યા હતા. શોએબ બશીરે તેને પેવેલિયન મોકલ્યો હતો. યશસ્વી અને રોહિત વચ્ચે 104 રનની ભાગીદારી થઈ હતી.