ભારતીય શેરબજારમાં મંગળવારના ટ્રેડિંગ સેશનમાં ઉતાર-ચઢાવ જોવા મળ્યો હતો. દિવસના ટ્રેડિંગ સેશન દરમિયાન બજાર ક્યારેક લાલ તો ક્યારેક લીલા નિશાનમાં જોવા મળ્યું. મોટા ભાગના સેક્ટરના શેરમાં ઘટાડો નોંધાયો હતો. બજારને આઈટી સેક્ટરનો જ સપોર્ટ મળ્યો છે. આજના કારોબારના અંતે BSE સેન્સેક્સ 69 પોઈન્ટ ઘટીને 66,459 પર અને નેશનલ સ્ટોક એક્સચેન્જ નિફ્ટી 20 પોઈન્ટ ઘટીને 19,735 પર બંધ થયો હતો.
સેક્ટરોલ અપડેટ
આજના કારોબારમાં આઈટી ઈન્ડેક્સમાં જોરદાર ઉછાળો આવ્યો છે. આઈટી શેરોમાં ખરીદીના પગલે નિફ્ટી 360 પોઈન્ટ વધીને 30,288 પર બંધ થયો હતો. આ સિવાય ફાર્મા, મેટલ અને કોમોડિટી શેરોમાં પણ તેજી જોવા મળી છે. મિડકેપ અને સ્મોલકેપ શેરોમાં પણ ઉછાળો જોવા મળ્યો. બીજી તરફ બેન્કિંગ, ઓટો, એફએમસીજી, રિયલ એસ્ટેટ, મીડિયા, એનર્જી, ઈન્ફ્રા, હેલ્થકેર, ઓઈલ એન્ડ ગેસ અને કન્ઝ્યુમર ડ્યુરેબલ્સ સેક્ટરના શેરમાં તેજી જોવા મળી છે. સેન્સેક્સના 30 શેરોમાંથી 15 શેર આગળ વધ્યા અને 15 ઘટીને બંધ થયા. બીજી તરફ, નિફ્ટીના 50 શેરોમાંથી 23 વધ્યા અને 27 નુકસાન સાથે બંધ થયા.