ટોરોન્ટો: 8 મહિના પહેલા દરિયામાં ખોવાયેલું પર્સ એક મહિલાને મળ્યું.
મળતી માહિતી મુજબ, આ ઘટના કેનેડાના બ્રિટિશ કોલંબિયા પ્રાંતની છે, જ્યાં 8 મહિના પહેલા માર્સી કાલવર્ટ નામની મહિલાનું પર્સ દરિયામાં પડી ગયું હતું.
મીડિયા રિપોર્ટ્સ અનુસાર, મહિલા બ્રિટિશ કોલંબિયાના ટોફિનો આઇલેન્ડની રહેવાસી છે અને સોશિયલ મીડિયા એપ ટિક ટોક પર પણ ઘણી લોકપ્રિય છે.
સૂત્રોના જણાવ્યા અનુસાર, 8 મહિના પહેલા જૂન 2023માં મહિલા બોટ પર દરિયાઈ સફર માટે ગઈ હતી, જ્યાં તેનું પર્સ તેની બેગમાંથી બહાર આવ્યું અને પાણીમાં પડી ગયું. જોકે, હવે 8 મહિના પછી મહિલાએ ઈન્સ્ટાગ્રામ પર પોતાનું પર્સ મળવાના સમાચાર આપ્યા અને પર્સની તસવીર પણ શેર કરી.
મહિલાએ પોતાની પોસ્ટમાં લખ્યું છે કે તે તેના કૂતરા સાથે ટાપુ પર ચાલી રહી હતી ત્યારે તેણે રેતી પર પડેલો કચરો જોયો, જેમાં તેનું પાકીટ પણ હતું.
અહેવાલો અનુસાર, મહિલાના પર્સમાં થોડી રોકડ અને એક ઓળખ કાર્ડ અને અન્ય કાર્ડ હતા, જે મળી આવ્યા છે. મહિલાની આ પોસ્ટ પર સોશિયલ મીડિયા યુઝર્સે તેને લકી ગણાવી હતી.
The post મહિલાને 8 મહિના પહેલા ખોવાયેલું પર્સ પરત મળ્યું News4 Gujarati.