નવી દિલ્હી: મહિલાઓ માટે શરૂ કરાયેલી બચત યોજના મહિલા સન્માન પ્રમાણપત્રમાંથી મળતા વ્યાજ પર TDS કાપવામાં આવશે નહીં. આના પર જે પણ વ્યાજ મળશે, પ્રાપ્તકર્તાએ તે આવક પર ટેક્સ સ્લેબ અનુસાર ટેક્સ ચૂકવવો પડશે. સેન્ટ્રલ બોર્ડ ઓફ ડાયરેક્ટ ટેક્સિસ (CBDT) એ 16 મેના રોજ પોસ્ટ ઓફિસ સેવિંગ્સ સ્કીમ માટે ટેક્સ ડિડક્ટેડ એટ સોર્સ (TDS) જોગવાઈને સૂચિત કરી હતી. આ અંતર્ગત યુવતી કે મહિલાના નામે ખાતું ખોલાવી શકાય છે.
મહિલા સન્માન પ્રમાણપત્ર યોજના ચાલુ નાણાકીય વર્ષમાં શરૂ કરવામાં આવી હતી. આમાં વધુમાં વધુ બે લાખ રૂપિયા જમા કરાવી શકાય છે. તેના પર વાર્ષિક 7.5 ટકા વ્યાજ મળશે. થાપણ બે વર્ષમાં પરિપક્વ થશે. નાંગિયા એન્ડરસન ઇન્ડિયાના પાર્ટનર નીરજ અગ્રવાલે જણાવ્યું હતું કે CBDT નોટિફિકેશનમાં સ્પષ્ટ કરવામાં આવ્યું છે કે જો મહિલા સન્માન બચત પ્રમાણપત્ર પર મળતું વ્યાજ નાણાકીય વર્ષમાં રૂ. 40,000થી વધુ ન હોય તો TDS કાપવામાં આવશે નહીં.
અગ્રવાલે કહ્યું કે ‘યોજના હેઠળ 7.5 ટકા વ્યાજ પર બે લાખ રૂપિયાની ડિપોઝિટ પર એક વર્ષમાં 15,000 વ્યાજ મળશે. બે વર્ષમાં તે રૂ.32,000 થશે. તેથી, એવું કહી શકાય કે કોઈપણ એક નાણાકીય વર્ષમાં વ્યાજ રૂ. 40,000 કરતાં ઓછું હોવાથી, TDS કાપવામાં આવશે નહીં.