શુક્રવારે જારી કરાયેલા માસિક ડેટા અનુસાર, મારુતિ સુઝુકીએ ઓગસ્ટ 2 માં 1,89,082 વાહનોનું વેચાણ કર્યું હતું. આ આંકડો કંપનીના ઈતિહાસનો શ્રેષ્ઠ માસિક વેચાણનો આંકડો છે. કંપનીએ ઓગસ્ટ, 2022 માં 1,65,173 એકમોની સરખામણીએ ગયા મહિને ઓગસ્ટમાં ડીલરોને વાર્ષિક ધોરણે 14 ટકા વધુ એકમો મોકલ્યા હતા. પેસેન્જર વાહનોનું કુલ સ્થાનિક વેચાણ ઓગસ્ટ 2022માં 1,34,166 યુનિટથી 16 ટકા વધીને 1,56,114 યુનિટ થયું છે. આશ્ચર્યજનક વાત એ છે કે ઑગસ્ટ 2022માં સૌથી વધુ વેચાતી અલ્ટો, એસ-પ્રેસો જેવી નાની કારનું વેચાણ 22,162 યુનિટથી ઘટીને 12,209 યુનિટ થયું છે.
બલેનો, સેલેરિયો, ડિઝાયર, ઇગ્નિસ અને સ્વિફ્ટ જેવી કોમ્પેક્ટ કારનું વેચાણ 1 ટકાની નજીવી વૃદ્ધિ સાથે 72,451 યુનિટ્સ રહ્યું. એમપીવી જેવા બહુહેતુક વાહનો એટલે કે બ્રેઝા, અર્ટિગા, ફ્રન્ટેક્સ, ગ્રાન્ડ વિટારા, જિમ્ની અને એક્સએલ6નું વેચાણ 58,746 યુનિટ થયું હતું, જે ગયા વર્ષે ઓગસ્ટમાં 26,932 યુનિટ હતું. મારુતિની નિકાસમાં લગભગ 10 ટકાનો વધારો થયો છે.
ઉપરાંત ટોયોટા કિર્લોસ્કર મોટરે 22,910 યુનિટનું અત્યાર સુધીનું સૌથી વધુ માસિક વેચાણ નોંધાવ્યું હતું. ઓગસ્ટ 2022ના 14,959 યુનિટની સરખામણીએ ડીલરોને કુલ ડિલિવરી 53 ટકા વધી છે. સ્થાનિક જથ્થાબંધ વેચાણ 20,970 એકમ હતું, જ્યારે નિકાસ 1,940 એકમ હતી. ટોયોટા અર્બન ક્રુઝર હાઈરાઈડર અને ઈનોવા હાઈક્રોસની માંગ રહે છે.
અન્ય કંપનીઓના આંકડાઓ પર નજર કરીએ તો એસ્કોર્ટનું વેચાણ 8.5 ટકા ઘટીને 5583 યુનિટ થયું છે. બજાજ ઓટોનું વેચાણ 15% ઘટીને 3.42 લાખ યુનિટ થયું હતું અને મહિન્દ્રા પેસેન્જર વાહનોનું વેચાણ 25% વધીને 37,270 યુનિટ થયું હતું. ટાટા મોટર્સનું વેચાણ સપાટ રહ્યું હતું જ્યારે આઈશર મોટર્સના કોમર્શિયલ વાહનોનું વેચાણ 30% અને કુલ વેચાણ 11% વધીને અનુક્રમે 6,476 અને 77,583 યુનિટ થયું હતું. અશોક લેલેન્ડે 10% વૃદ્ધિ (15,576 એકમો) અને TVCS મોટર્સે 4% (3,46,000 એકમો) વૃદ્ધિ દર્શાવી હતી. આ સાથે મહિન્દ્રાની SUV એ સૌથી વધુ 37,270 યુનિટ્સનું વેચાણ કર્યું હતું અને TVS iQubeનું રેકોર્ડ વેચાણ પણ નોંધાયું હતું.