કોટા (રાજસ્થાન): 21 એપ્રિલ (A) રાજસ્થાનના ઝાલાવાડ જિલ્લામાં શનિવારે મોડી રાત્રે કાર અને ટ્રક વચ્ચેની અથડામણમાં નવ લોકોનાં મોત નીપજ્યાં. પોલીસે આ માહિતી આપી હતી.
ઝાલાવાડના પોલીસ અધિક્ષક રિચા તોમરે જણાવ્યું કે આ અકસ્માત રાત્રે 3.45 વાગ્યે એકલેરા ગામ પાસે થયો હતો. તેમણે કહ્યું કે આ અકસ્માતમાં સામેલ લોકો ભોપાલના ડુંગરી ગામથી લગ્ન સમારોહમાં હાજરી આપીને પરત ફરી રહ્યા હતા.
અધિકારીએ જણાવ્યું કે અકસ્માતમાં એક વ્યક્તિ ગંભીર રીતે ઘાયલ થયો છે અને તેને ઝાલાવાડની સરકારી હોસ્પિટલમાં દાખલ કરવામાં આવ્યો છે.
અકસ્માતમાં માર્યા ગયેલા લોકોની ઉંમર 18 થી 30 વર્ષની વચ્ચે હતી.