ન્યુ યોર્કદિગ્ગજ ટેનિસ ખેલાડી માર્ટિના નવરાતિલોવાએ કહ્યું છે કે તે હવે કેન્સર મુક્ત છે. ટેનિસ હોલ ઓફ ફેમર નવરાતિલોવાએ સોમવારે ટ્વિટર પર લખ્યું હતું કે તેને મેમોરિયલ સ્લોન કેટરિંગ કેન્સર સેન્ટરમાં એક દિવસના પરીક્ષણો પછી જાણવા મળ્યું. તેણે લખ્યું, તમામ ડોકટરો, નર્સો અને સ્ટાફનો આભાર. કેટલી રાહત છે.’ અઢાર વખતની ગ્રાન્ડ સ્લેમ ચેમ્પિયન નવરાતિલોવા, 66, એ જાન્યુઆરીમાં જણાવ્યું હતું કે તેણીને ગળા અને સ્તન કેન્સર હોવાનું નિદાન થયું હતું અને તે સારવાર શરૂ કરશે. તેણીને 2010 માં ‘બિન-આક્રમક’ સ્તન કેન્સર હોવાનું નિદાન થયું હતું અને ત્યારબાદ તેની સર્જરી કરવામાં આવી હતી.