રાજસ્થાન ચૂંટણી: જયપુર જિલ્લાની તમામ બેઠકો પર મતદાન પૂર્ણ થયા પછી, અહીં EVM અને VVPAT મશીનોને ત્રણ સ્તરીય સુરક્ષા વર્તુળમાં રાખવામાં આવ્યા છે. જયપુરની કોમર્સ કોલેજ અને રાજસ્થાન કોલેજમાં ઉભા કરાયેલા સ્ટ્રોંગ રૂમમાં બેલેટ બોક્સને કડક સુરક્ષા હેઠળ રાખવામાં આવી છે.
હવે આ તમામ મતપેટીઓ 3જી ડિસેમ્બરે મતગણતરીનાં દિવસે ખોલવામાં આવશે. જિલ્લા ચૂંટણી અધિકારી પ્રકાશ રાજપુરોહિતના જણાવ્યા અનુસાર, સ્ટ્રોંગ રૂમની બહાર ત્રણ સ્તરીય સુરક્ષા કોર્ડન કરવામાં આવી છે. સ્ટ્રોંગ રૂમમાં રાખવામાં આવેલા EVM મશીનોની સુરક્ષાની જવાબદારી RAC, પોલીસ, RAF અને CPMFના જવાનોની છે.
RAC અને સ્થાનિક પોલીસે કોલેજની બહાર કોર્ડન કરી લીધું છે, જ્યારે કોલેજની અંદરનો ભાગ રેપિડ એક્શન ફોર્સની જવાબદારી હેઠળ છે. તેમજ સ્ટ્રોંગ રૂમની સુરક્ષા વ્યવસ્થાની જવાબદારી CPMF જવાનોને સોંપવામાં આવી છે.