Rajasthan Petrol Pump Strike: રાજસ્થાનમાં પેટ્રોલ પંપ સંચાલકોએ ફરી એકવાર હડતાળની જાહેરાત કરી છે. રાજ્યના પેટ્રોલ પંપ સંચાલકોએ રવિવારે સવારે 6 વાગ્યાથી હડતાળ પર જવાની જાહેરાત કરી છે. જે બાદ રાજ્યમાં પેટ્રોલ અને ડીઝલ માટે પંપ પર મોટી કતારો જોવા મળી હતી.
રાજસ્થાન પેટ્રોલિયમ ડીલર્સ એસોસિએશને પેટ્રોલ અને ડીઝલ પર BAT ઘટાડવાની માંગ સાથે હડતાળ પર જવાની જાહેરાત કરી છે. જેના કારણે રાજ્યભરના 6 હજાર 800 પેટ્રોલ પંપ પર વેચાણ બંધ રહેશે. જયપુરમાં કુલ 527 પેટ્રોલ પંપ છે. હડતાળ છતાં, જયપુરમાં 32 પંપ ખુલ્લા રહેશે, જેમાંથી 7 સરકારી પંપ છે અને બાકીના રિલાયન્સ અને નાયરા જેવી પેટ્રોલ કંપનીઓના છે.
હડતાળને કારણે રાજ્યભરના પેટ્રોલ પંપ રવિવારે સવારે 6 વાગ્યાથી મંગળવારે સવારે 6 વાગ્યા સુધી બંધ રહેશે. વાસ્તવમાં, રાજસ્થાન પેટ્રોલિયમ ડીલર્સ એસોસિએશન, જે વિધાનસભા ચૂંટણી પહેલા ડીઝલ અને પેટ્રોલની કિંમતો પર વેટ ઘટાડવાના પ્રયાસોમાં નિષ્ફળ ગઈ હતી, તેણે સરકાર પર દબાણ બનાવવાનું શરૂ કર્યું છે.