રાજસ્થાન સમાચાર: રાજસ્થાન વિધાનસભાને 18માં સ્પીકર મળ્યા છે. પૂર્વ શિક્ષણ મંત્રી અને અજમેર ઉત્તરના ભાજપના ધારાસભ્ય વાસુદેવ દેવનાની આજે વિધાનસભા અધ્યક્ષ તરીકે બિનહરીફ ચૂંટાયા છે.
દેવનાનીને સ્પીકર તરીકે પસંદ કરવાનો પ્રસ્તાવ મુખ્ય પ્રધાન ભજનલાલ શર્માએ સૌપ્રથમ રાખ્યો હતો. ત્યારબાદ પૂર્વ સીએમ અશોક ગેહલોત, વસુંધરા રાજે, ડેપ્યુટી સીએમ દિયા કુમારી અને આરએલપીએ ધારાસભ્ય હનુમાન બેનીવાલે પ્રસ્તાવ મૂક્યો હતો. આ પછી દેવનાની સર્વસંમતિથી વિધાનસભાના અધ્યક્ષ તરીકે ચૂંટાયા.
વાસુદેવ દેવનાની અજમેર ઉત્તર વિધાનસભા બેઠક પરથી સતત પાંચમી વખત જીત્યા છે. તેઓ આરએસએસ અને બાદમાં તેની વિદ્યાર્થી પાંખ અખિલ ભારતીય વિદ્યાર્થી પરિષદમાં સામેલ હતા. દેવનાની 2003માં અજમેર ઉત્તર મતવિસ્તારમાંથી રાજસ્થાન વિધાનસભા માટે ચૂંટાયા હતા. તે પછી વર્ષ 2008 અને 2013માં તેઓ ફરીથી ધારાસભ્ય તરીકે ચૂંટાયા. તેઓ 2003-08માં રાજે સરકારમાં ટેકનિકલ શિક્ષણ રાજ્ય મંત્રી હતા. 2013-18માં, તેમણે પ્રાથમિક અને માધ્યમિક શિક્ષણનો સ્વતંત્ર હવાલો સંભાળ્યો હતો.