કોંગ્રેસના પૂર્વ અધ્યક્ષ રાહુલ ગાંધી, વરિષ્ઠ નેતા જયરામ રમેશ અને પાર્ટીના પ્રવક્તા સુપ્રિયા શ્રીનાટેને કર્ણાટક હાઈકોર્ટ તરફથી જોરદાર ઝટકો લાગ્યો છે. કર્ણાટક હાઈકોર્ટે ફિલ્મ KGF-2 સંબંધિત કેસમાં દાખલ કરવામાં આવેલી FIRને રદ કરવાનો ઈન્કાર કરી દીધો છે. હાઈકોર્ટે પોતાનો નિર્ણય અનામત રાખ્યો હતો.
બંને પક્ષોને સાંભળ્યા બાદ હાઈકોર્ટે 23 જૂને કહ્યું હતું કે તે આ મામલે પોતાનો ચુકાદો પછી આપશે. જેનો આજે ચુકાદો સંભળાવવામાં આવ્યો હતો. જસ્ટિસ એમ નાગપ્રસન્નાએ પોતાના આદેશમાં નોંધ્યું હતું કે આરોપીએ ભારત જોડો પ્રવાસ દરમિયાન KGF-2ના ગીતનો ઉપયોગ કર્યો હતો. આ સ્પષ્ટપણે કોપીરાઈટ એક્ટનું ઉલ્લંઘન છે. કોર્ટે કહ્યું કે તેને લાગ્યું કે આ મુદ્દે ચર્ચા થવી જોઈએ. આથી કેસને રદ કરી શકાય નહીં.