લોકપ્રિય સ્ટાર રૂપાલી ગાંગુલી એક એવી અભિનેત્રી છે જેણે ઓછા સમયમાં ખૂબ જ લોકપ્રિયતા મેળવી છે. અનુપમા બનીને તેણે માત્ર ટીઆરપી ચાર્ટ પર જ નહીં પરંતુ લોકોના દિલમાં પણ એક ખાસ ઓળખ બનાવી છે. આજે અભિનેત્રીની સોશિયલ મીડિયા પર મજબૂત ફેન-ફોલોઈંગ છે, જેઓ તેની એક ઝલક મેળવવા માટે ઉત્સુક છે. સારાભાઈ વિ સારાભાઈથી લઈને અનુપમા સુધી, અભિનેત્રીએ ઘણી લાંબી મજલ કાપી છે અને ઘણી વખત તેણીની અભિનય કુશળતાથી પ્રભાવિત કરી છે. અભિનેત્રીએ અંગારા, દો આંખે બારહ હાથ અને સતરંગી પેરાશુટ જેવી અન્ય ઘણી ફિલ્મોમાં કામ કર્યું હતું. આવો જાણીએ તેમની કુલ સંપત્તિ વિશે…
રૂપાલી ગાંગુલીની નેટવર્થ
ઈકોનોમિક ટાઈમ્સના અહેવાલ મુજબ રૂપાલી ગાંગુલી અનુપમા માટે પ્રતિ એપિસોડ 3 લાખ રૂપિયા લે છે. તેમની કુલ સંપત્તિ 20 કરોડ છે. રૂપાલીની વાર્ષિક આવક 10 લાખ રૂપિયાથી વધુ છે. અહેવાલ મુજબ, રૂપાલીની પ્રતિભા અને લોકપ્રિયતાને કારણે તેની નેટવર્થ દર વર્ષે વધી રહી છે. અભિનેત્રી મુખ્યત્વે તેના અભિનયથી કમાણી કરે છે. તે વિવિધ ટેલિવિઝન શો અને ફિલ્મોમાં જોવા મળી છે. આ સિવાય તે બ્રાન્ડ્સ અને જાહેરાતોમાં દેખાય છે.
રૂપાલી ગાંગુલીનું કાર કલેક્શન
અભિનેત્રીને લક્ઝરી કારનો ખૂબ શોખ છે અને તેની પાસે અદ્ભુત કલેક્શન છે. તેમના લક્ઝુરિયસ વાહનોમાં મહિન્દ્રા થાર અને મર્સિડીઝનો સમાવેશ થાય છે. રૂપાલીએ 2021માં મહિન્દ્રા થાર અને 2023માં મર્સિડીઝ ખરીદી હતી. બંને વખતે અભિનેત્રીએ કારની તસવીર સોશિયલ મીડિયા પર શેર કરી હતી. રૂપાલી ગાંગુલીએ 13 ફેબ્રુઆરી 2013ના રોજ બિઝનેસમેન અશ્વિન કે. વર્મા સાથે લગ્નના બંધનમાં બંધાયા. અશ્વિન એક બિઝનેસમેન છે અને રૂપાલીના જીવનમાં એક મોટો સપોર્ટ સિસ્ટમ છે. આ દંપતીને રુદ્રાંશ નામનો પુત્ર પણ છે. રૂપાલી અવારનવાર તેના સોશ્યિલ મીડિયા પ્લેટફોર્મ પર તેના સુંદર પરિવારની ઝલક શેર કરે છે.
રૂપાલી ગાંગુલીની કારકિર્દી
રૂપાલીએ તેની અભિનય કારકિર્દી નાની ઉંમરે શરૂ કરી હતી અને તેને બોલિવૂડ ફિલ્મ સાહેબ (1985) માં પ્રથમ અભિનયની ભૂમિકા મળી હતી. આ સિવાય તેણે અંગારા, દો આંખે બારહ હાથ અને સતરંગી પેરાશુટ જેવી બીજી ઘણી ફિલ્મોમાં કામ કર્યું હતું. રૂપાલી ગાંગુલીએ ટીવી સિરિયલ સુકન્યાથી ટેલિવિઝન ઈન્ડસ્ટ્રીમાં ડેબ્યૂ કર્યું હતું. ત્યારબાદ, તેણે દિલ હૈ કે માનતા નહીં અને ઝિંદગી…તેરી મેરી કહાની જેવી ટીવી સિરિયલોમાં અભિનય કર્યો. 2003માં રૂપાલીએ ટીવી સિરિયલ સંજીવનીમાં ડૉ.સિમરનનું પાત્ર ભજવીને એક ઓળખ બનાવી હતી.