મુંબઈઃ આજે મુંબઈ કરન્સી માર્કેટમાં રૂપિયા સામે ડૉલરની કિંમત રેકોર્ડ ઉંચી સપાટીએ પહોંચી ગઈ છે. ડૉલર વધવાને કારણે રૂપિયો 0.05 ટકા નબળો પડ્યો છે. વૈશ્વિક બજારમાં ક્રૂડ ઓઈલના ભાવમાં વધારાને કારણે આજે મુંબઈ કરન્સી માર્કેટમાં રૂપિયો દબાણ હેઠળ આવ્યો હતો. આજે સવારે ડૉલર રૂ. 83.36 પર ખૂલ્યા બાદ વધીને રૂ. 83.45 થયો હતો અને છેલ્લો બંધ ભાવ રૂ. 83.43 હતો.
દરમિયાન, બજારના સૂત્રોના જણાવ્યા અનુસાર, ભારતીય રૂપિયાના એક્સચેન્જ-ટ્રેડ ઓપ્શન્સમાં બ્રોકર્સે ક્લાયન્ટ્સ પાસેથી તેમના ડેરિવેટિવ્ઝ કોન્ટ્રાક્ટના એક્સપોઝરના પુરાવાની માગણી કરી છે અને જો તેઓ આમ કરવામાં નિષ્ફળ જાય તો ક્લાયન્ટ્સને સ્ટેન્ડિંગ પોઝિશન ઑફસેટ કરવાની સૂચના આપી છે.
આના કારણે ભારતીય રૂપિયા-એક્સચેન્જ-ટ્રેડેડ ઓપ્શન્સ માર્કેટમાં હલચલ મચી ગઈ હતી. બજારના સૂત્રોના જણાવ્યા અનુસાર, રિઝર્વ બેંક ઓફ ઈન્ડિયાના નિયમને કારણે આ સ્થિતિ ઊભી થઈ છે, જે 5 એપ્રિલથી અમલમાં આવ્યો હતો, જેમાં આદેશ આપવામાં આવ્યો હતો કે એક્સચેન્જ-ટ્રેડેડ રૂપિયાના ડેરિવેટિવ ટ્રાન્ઝેક્શન્સ માત્ર હેજિંગ હેતુઓ માટે જ થઈ શકે છે.
જો કે, કેટલાક ક્વાર્ટર્સના મતે, દલાલો પોતે જ નિયમોનો ભંગ કરી રહ્યા છે કારણ કે દલાલોએ ગ્રાહકોને આવું કહ્યું છે!
દરમિયાન, વૈશ્વિક ડોલર ઇન્ડેક્સ આજે 104.90 રૂપિયાની સામે 104.71 થી ઘટીને 104.81 થયો હતો. જ્યારે યુરોની કિંમત 89.84 રૂપિયા હતી.