નવી દિલ્હી
વંદે ભારતને લઈને રેલવે મંત્રી અશ્વિની વૈષ્ણવે મોટી જાહેરાત કરી છે. લાંબા સમયથી જેની રાહ જોવાતી હતી તે ક્ષણ આવી ગઈ છે. ભારત બાદ હવે વંદે ભારત વિદેશના રસ્તાઓ પર પણ હલચલ મચાવવા જઈ રહ્યું છે. અશ્વિની વૈષ્ણવે કહ્યું કે રેલ્વે ટૂંક સમયમાં ભારતની વંદે ભારત એક્સપ્રેસની નિકાસ કરશે અને આ માટેની પ્રક્રિયા શરૂ કરી દેવામાં આવી છે. ઘણા દેશોએ પણ રસ દાખવ્યો છે. તેમણે માહિતી આપી હતી કે રેલવે મંત્રાલય 2025-26 સુધીમાં વંદે ભારત ટ્રેનોની નિકાસ શરૂ કરવા માટે રોડમેપ તૈયાર કરી રહ્યું છે. અમે વંદે ભારત ટ્રેનોનું ઉત્પાદન વધારવા માટે પણ કામ કરી રહ્યા છીએ.
અગાઉ, 26 ફેબ્રુઆરીએ, વડા પ્રધાન નરેન્દ્ર મોદીએ 41,000 કરોડ રૂપિયાથી વધુની કિંમતની લગભગ 2000 રેલવે ઇન્ફ્રાસ્ટ્રક્ચર પ્રોજેક્ટ્સનો શિલાન્યાસ કર્યો હતો અને વીડિયો કોન્ફરન્સિંગ દ્વારા રાષ્ટ્રને સમર્પિત કર્યો હતો. 500 રેલવે સ્ટેશનો અને 1500 અન્ય સ્થળોએથી લાખો લોકો વિકાસ ભારત વિકાસ રેલવે કાર્યક્રમમાં જોડાયા હતા. એક વરિષ્ઠ રેલવે અધિકારીએ જણાવ્યું હતું કે, ભારતીય રેલ્વે તેના ફ્લેગશિપ વંદે ભારત લોકોમોટિવ્સની નિકાસ અંગે વિચારણા કરવા માટે ઓફર મેળવી રહી છે. અત્યાર સુધી મળેલી માહિતી મુજબ અમેરિકન રાજ્ય ચિલીએ વંદે ભારતમાં રસ દાખવ્યો છે. અધિકારીના જણાવ્યા મુજબ, ચર્ચાઓ, જોકે, હજુ સુધી ઓર્ડરમાં પરિવર્તિત થઈ નથી.
રેલ્વેના એક અધિકારીએ બિઝનેસલાઈનને જણાવ્યું કે, આંતરરાષ્ટ્રીય બજારોને લક્ષ્યાંક બનાવતી ડિઝાઇનમાં ફેરફાર કરતા પહેલા સ્થાનિક બજારને પૂરી કરવાની પ્રાથમિકતા છે. ઉત્પાદન સુવિધાની ઉપલબ્ધતા પણ એક પરિબળ છે જેને ધ્યાનમાં લેવામાં આવે છે. “હાલ ચિલીએ વંદે ભારત ડિઝાઇનમાં થોડો રસ દર્શાવ્યો છે,” તેમણે કહ્યું. સ્વદેશી ડિઝાઇનમાં આંતરરાષ્ટ્રીય રસ જોવો એ સારું છે.”
આ દેશોમાં માંગ
નોંધનીય છે કે ભારત વંદે ભારત એન્જિનને મુખ્ય નિકાસ ઓફર તરીકે દર્શાવવાનો પ્રયાસ કરી રહ્યું છે. પરંતુ હજુ સુધી ઓર્ડર આપવામાં આવ્યો નથી. લેટિન અમેરિકા અને આફ્રિકન દેશોએ પણ રસ દાખવ્યો છે, જેમાં ઈલેક્ટ્રિક એન્જિનની ખાસ કરીને અહીં માંગ છે. તમને જણાવી દઈએ કે 16 કોચવાળી વંદે ભારત ટ્રેનના નિર્માણનો ખર્ચ અંદાજે 130 કરોડ રૂપિયા છે.