કડવો લીમડો સ્વાસ્થ્યની દૃષ્ટિએ આશ્ચર્યજનક રીતે ફાયદાકારક છે. લીમડાના પાન સ્વાદમાં કડવા હોવા છતાં તેમાં રહેલા પોષક તત્વો તમારા સ્વાસ્થ્ય માટે રામબાણ સાબિત થઈ શકે છે. કડવો લીમડો એક આયુર્વેદિક ઔષધી છે જેના ઘણા સ્વાસ્થ્ય લાભો છે.
લીમડાના પાંદડા કેન્સરના કોષો અને ગાંઠોના વિકાસને અટકાવે છે, તેમજ કેન્સરના કોષોને મારી નાખે છે. લીમડો આપણા શરીર, ત્વચા અને વાળ માટે અત્યંત ફાયદાકારક છે. તેનો સ્વાદ ભલે કડવો હોય પરંતુ તેના સ્વાસ્થ્ય લાભો ખૂબ જ મીઠા હોય છે. લીમડાના પાન વજન ઘટાડવામાં મદદ કરે છે.
લીમડાના પાન ખાલી પેટ ખાવાથી ખીલની સમસ્યા ઓછી થઈ શકે છે. જર્નલ ઓફ ફાર્માસ્યુટિકલ, બાયોલોજિકલ એન્ડ કેમિકલ સાયન્સના જણાવ્યા અનુસાર, લીમડાના પાનનો હાઇડ્રો-આલ્કોહોલ અર્ક ધરાવતી હર્બલ એન્ટિ-એકને જેલ અસરકારક રીતે બ્રેકઆઉટ ઘટાડે છે.
લીમડાના પાન ખાલી પેટ ખાવાથી રોગપ્રતિકારક શક્તિ પણ વધે છે. સંશોધન મુજબ લીમડાના પાનનો અર્ક પ્રાણીઓમાં રોગપ્રતિકારક શક્તિ વધારે છે.
લીમડાના પાન બ્લડ શુગર લેવલને જાળવી રાખે છે. તેથી તે ડાયાબિટીસના દર્દીઓ માટે પણ ફાયદાકારક છે. કબજિયાતથી પીડિત લોકો માટે પણ લીમડાના પાન ખૂબ જ ફાયદાકારક છે. તેનું સેવન કરવાથી પેટ સંબંધિત સમસ્યાઓમાં રાહત મળે છે.