ભારતના જીડીપી ગ્રોથ અને ગ્લોબલ ઈકોનોમી અંગે પ્રધાનમંત્રીએ આગાઉ આપી ચુક્યા છે ગેરંટી
(જી.એન.એસ),તા.૦૧
ભારતના જીડીપી ગ્રોથ અને ગ્લોબલ ઈકોનોમી અંગે પ્રધાનમંત્રી મોદી આગાઉથી જ મોટી ગેરંટી આપી ચુક્યા છે. પીએમ મોદીએ કહ્યું છેકે, હું ત્રીજીવાર ભારતના પ્રધાનમંત્રી તરીકે સેવા આપતો હોઈશ ત્યારે ભારત ચોક્કસ દુનિયાની ત્રીજી સૌથી મોટી ઈકોનોમીમાં સ્થાન પામી ચુક્યું હશે. અને આ મોદીની ગેરંટી છે. જો પીએમ મોદીની આ ગેરંટી સાચી પડી તો અમેરિકાવાળા પણ આપણે ત્યાં નોકરી કરતા જોવા મળશે. હાલ ભારત જીડીપીમાં જે રોકેટ ગતિએ આગળ વધી રહ્યું છે એ જોતા પીએમ મોદીની ગેરંટી સાચી ઠરશે તેવું અનુમાન પણ અર્થશાસ્ત્રીઓ લગાવી રહ્યાં છે..
GDP એટલે શું?.. જે જણાવીએ, જીડીપી એેટલે કોઈપણ દેશના અર્થતંત્રનું મહત્ત્વનું પરિબળ. ગ્રોસ ડોમેસ્ટિક પ્રોડક્ટ (જીડીપી) એ ચોક્કસ સમયગાળા દરમિયાન દેશમાં માલસામાન અને સેવાઓના ઉત્પાદન દ્વારા બનાવવામાં આવેલ મૂલ્ય ઉમેરવાનું પ્રમાણભૂત માપ છે. જેમ કે, તે ઉત્પાદનમાંથી મળેલી આવક અથવા અંતિમ માલ અને સેવાઓ (ઓછી આયાત) પર ખર્ચવામાં આવેલી કુલ રકમને પણ માપે છે..
ઉલ્લેખનીય છેકે, વડાપ્રધાન નરેન્દ્ર મોદીના નેતૃત્વમાં ભારત આર્થિક સ્તરે એક પછી એક નવા રેકોર્ડ બનાવી રહ્યું છે. આ મહિને ભારતની અર્થવ્યવસ્થાએ રેકોર્ડ બનાવ્યો હતો. આઝાદી પછી, ભારતનો જીડીપી પ્રથમ વખત 4 ટ્રિલિયન ડોલરને પાર કરી ગયો છે. ભારત વિશ્વની ચોથી સૌથી મોટી અર્થવ્યવસ્થા બનવા તરફ ઝડપથી આગળ વધી રહ્યું છે. 5 ટ્રિલિયન ડોલરની અર્થવ્યવસ્થા બનવાના લક્ષ્યને હાંસલ કરવાની દિશામાં પણ આ એક સીમાચિહ્નરૂપ છે..
પીએમ મોદીના નેતૃત્વમાં છેલ્લા કેટલાક વર્ષોમાં ભારતની જીડીપી સતત વધી રહી છે. ભારતની જીડીપી 2021માં $3.2 ટ્રિલિયન હતી, તે 2022માં વધીને $3.6 ટ્રિલિયન થઈ જશે અને 2023માં વધીને $4 ટ્રિલિયન થઈ જશે. હવે ભારત 4.4 ટ્રિલિયન ડોલર સાથે જાપાન અને 4.3 ટ્રિલિયન ડોલર સાથે જર્મનીને પાછળ છોડીને વૈશ્વિક જીડીપીની દ્રષ્ટિએ ત્રીજો સૌથી મોટો દેશ બનવા માટે તૈયાર છે..
18 નવેમ્બર, 2023 ના રોજ, લગભગ 10:30 વાગ્યે, ભારતના જીડીપીનું કદ પ્રથમ વખત 4 ટ્રિલિયન ડોલરને પાર કરી ગયું. હવે આ સાથે ભારત વિશ્વની ચોથી સૌથી મોટી અર્થવ્યવસ્થા બનવાની ખૂબ નજીક પહોંચી ગયું છે. ચોથા ક્રમના જર્મની અને ભારતની જીડીપી વચ્ચેનો તફાવત હવે ઘણો ઓછો છે..
અત્યારે અમેરિકા વિશ્વની સૌથી મોટી અર્થવ્યવસ્થા છે. અમેરિકાની અર્થવ્યવસ્થાનું વર્તમાન કદ $26.7 ટ્રિલિયન છે. તે પછી, ચીન 19.24 ટ્રિલિયન ડોલરની અર્થવ્યવસ્થા સાથે બીજા સ્થાને છે. જાપાન 4.39 ટ્રિલિયન ડોલરની જીડીપી સાથે ત્રીજા સ્થાને છે, જ્યારે જર્મની 4.28 ટ્રિલિયન ડોલરની જીડીપી સાથે ચોથા સ્થાને છે..