વોટ્સએપે અજાણ્યા નંબરોથી આવતા કોલથી છુટકારો મેળવવા માટે એક શાનદાર ફીચર બહાર પાડ્યું છે. હવે વોટ્સએપ પર અજાણ્યા નંબરોથી આવતા કોલ ઓટોમેટીક સાઈલન્સ થઈ શકશે. મેટાના સીઈઓ માર્ક ઝકરબર્ગે મંગળવારે આની જાહેરાત કરી હતી. ઝુકરબર્ગે પોતાની જાહેરાતમાં કહ્યું કે વોટ્સએપે એક નવું ફીચર રજૂ કર્યું છે, જેમાં અજાણ્યા નંબરોથી આવતા કોલને ઓટોમેટિક સાઈલન્સ કરી શકાય છે.
વોટ્સએપનું નવું ફીચર શું છે?
આ ફીચરને WhatsAppના નવા પ્રાઈવસી ફીચર તરીકે રજૂ કરવામાં આવ્યું છે. Meta CEO માર્ક ઝકરબર્ગના જણાવ્યા અનુસાર, આ ફીચરની મદદથી અજાણ્યા નંબરોથી આવતા કોલને ટાળી શકાય છે. તેમણે કહ્યું કે નવા ફીચરની મદદથી અજાણ્યા નંબરોથી આવતા કોલને ઓટોમેટિકલી સાઈલન્સ કરી શકાશે.
જો કે, યુઝર્સને નોટિફિકેશન મળશે અને જો યુઝર્સ ઈચ્છે તો એપની કોલ લિસ્ટમાં આ કોલ જોઈ શકે છે. તમને જણાવી દઈએ કે તાજેતરમાં ભારતમાં WhatsApp સ્પામ કોલને લઈને ઘણી ફરિયાદો મળી હતી. એટલે કે હવે આપણે આ કોલ્સમાંથી છુટકારો મેળવવા જઈ રહ્યા છીએ.
આ રીતે કામ કરશે નવું ફીચર
- WhatsAppના નવા પ્રાઈવસી ફીચરનો ઉપયોગ કરવા માટે તમારે તમારી WhatsApp એપ ખોલવી પડશે.
- હવે અહીંથી સેટિંગ્સમાં જવા માટે આઇ બટન પર ટેપ કરો અને પ્રાઇવસી વિકલ્પ પર ટેપ કરો.
- અહીં તમને નીચેથી ત્રીજા નંબર પર ‘Call’ નામનું નવું ફીચર દેખાશે.
- હવે કોલ ઓપ્શન પર ટેપ કરો અને ‘ અજાણ્યા કૉલર્સને મૌન કરો વિકલ્પને સક્ષમ કરો.
- આ પછી ફીચર એક્ટિવ થઈ જશે. અજાણ્યા નંબર પરથી કોલ કરવાથી જ તમને નોટિફિકેશન મળશે.
- તમે કૉલ્સ ટૅબમાં કોઈપણ સમયે આ કૉલ્સ જોઈ શકો છો.