મુંબઈઃ સોમવારે શરૂઆતના કારોબારમાં અમેરિકી ડોલર સામે રૂપિયો 25 પૈસા ઘટીને 83.07 પર પહોંચ્યો હતો. સ્થાનિક ઈક્વિટી માર્કેટમાં નકારાત્મક વલણ અને ક્રૂડ ઓઈલના ભાવ મજબૂત થવાને કારણે રૂપિયો નબળો પડ્યો હતો. નિષ્ણાતોએ જણાવ્યું હતું કે અમેરિકન ચલણમાં મજબૂતી અને વિદેશી ભંડોળની સતત વેચવાલીથી પણ રૂપિયાના સેન્ટિમેન્ટ પર અસર પડી છે.
ઇન્ટરબેંક ફોરેન એક્સચેન્જ માર્કેટમાં રૂપિયો 83.04 પર ખૂલ્યો હતો અને પછી ડોલર દીઠ 83.07 થયો હતો. અગાઉના બંધ સ્તરની સરખામણીએ આ 25 પૈસાનો ઘટાડો છે. શુક્રવારે ડોલર સામે રૂપિયો 82.82 ના સ્તર પર બંધ થયો હતો.
દરમિયાન, ડૉલર ઇન્ડેક્સ, જે છ મુખ્ય કરન્સીની બાસ્કેટ સામે યુએસ ડૉલરની સ્થિતિનું મૂલ્યાંકન કરે છે, તે 0.17 ટકા વધીને 103.01 પર પહોંચ્યો હતો. વૈશ્વિક ઓઇલ બેન્ચમાર્ક બ્રેન્ટ ક્રૂડ ફ્યુચર્સ 0.89 ટકા ઘટીને બેરલ દીઠ $86.04 હતો.