મુંબઈઃ વિદેશી ભંડોળ દ્વારા નવી ખરીદી વચ્ચે મંગળવારે શરૂઆતના વેપારમાં મુખ્ય ઇક્વિટી સૂચકાંકો સેન્સેક્સ અને નિફ્ટીએ નવી સર્વકાલીન ઉચ્ચ સપાટીને સ્પર્શી હતી. આ દરમિયાન ખાસ કરીને બેંકિંગ શેરોમાં ખરીદી જોવા મળી હતી. બીએસઈનો 30 શેરો વાળા પ્રમુખ ઈન્ડેક્સ સેન્સેક્સ શરૂઆતના કારોબારમાં 395.57 પોઈન્ટ વધીને 66,985.50 પર બંધ રહ્યો હતો. NSE નિફ્ટી 99.8 અંક વધીને 19,811.25 પર પહોંચ્યો હતો. બીજી તરફ ભારતી એરટેલ, ટેક મહિન્દ્રા, ટાઇટન, અલ્ટ્રાટેક સિમેન્ટ, ટીસીએસ અને ટાટા સ્ટીલ રેડમાં હતા.
સેન્સેક્સ પેકમાં ઈન્ડસઈન્ડ બેંક, એક્સિસ બેંક, એચડીએફસી બેંક, આઈસીઆઈસીઆઈ બેંક, ઈન્ફોસીસ, હિન્દુસ્તાન યુનિલીવર, મારુતિ અને એશિયન પેઈન્ટ્સ મુખ્ય હતા. વિદેશી સંસ્થાકીય રોકાણકારો (FIIs)એ સોમવારે રૂ. 73 કરોડના શેરની ખરીદી કરી હતી, એમ શેરબજારના ડેટા અનુસાર. વૈશ્વિક તેલ બેન્ચમાર્ક બ્રેન્ટ ક્રૂડ 0.38 ટકા વધીને USD 78.80 પ્રતિ બેરલ પર હતું. સોમવારે સેન્સેક્સ 529.03 પોઈન્ટ્સ અથવા 0.80 ટકાના ઉછાળા સાથે 66,589.93 પર બંધ થયો હતો, જ્યારે નિફ્ટી 146.95 પોઈન્ટ્સ અથવા 0.75 ટકાના ઉછાળા સાથે 19,711.45ની રેકોર્ડ હાઈ પર બંધ થયો હતો.