Shah Rukh Khan Birthday: ‘કિંગ ખાન’ તરીકે જાણીતા શાહરૂખ ખાનને કોઈ પરિચયની જરૂર નથી. માત્ર બોલિવૂડમાં જ નહીં, શાહરૂખ વિશ્વના સૌથી પ્રખ્યાત અને પ્રભાવશાળી ફિલ્મ સ્ટાર્સમાંનો એક છે અને વિશ્વભરમાં તેના લાખો ચાહકો છે જે તેની એક ઝલક મેળવવા માટે ઉત્સુક છે. SRKએ 1988માં પોતાની કારકિર્દીની શરૂઆત કરી હતી અને 1992માં ફિલ્મ ‘દીવાના’થી બોલિવૂડમાં પ્રવેશ કર્યો હતો. આ ફિલ્મ હિટ થતાં જ અભિનેતાએ ક્યારેય પાછળ વળીને જોયું નથી. દિલવાલે દુલ્હનિયા લે જાયેંગે, કુછ કુછ હોતા હૈ, મોહબ્બતેં, મૈં હું ના, વીર-ઝારા, ડોન, ચક દે ઈન્ડિયા, ઓમ શાંતિ ઓમ સહિતની કેટલીક મેગા હિટ ફિલ્મો સાથે તે બોલિવૂડ ઉદ્યોગમાં સૌથી સફળ અભિનેતાઓમાંનો એક બન્યો. રબ ને બના દી જોડી, જબ તક હૈ જાન, ચેન્નાઈ એક્સપ્રેસ, રઈસ અને વર્ષ 2023માં કિંગ ખાને બે મોટી બ્લોકબસ્ટર ફિલ્મો આપીને ઈતિહાસ રચ્યો હતો. જેણે વિશ્વભરમાં 1000 કરોડ રૂપિયાથી વધુની કમાણી કરી હતી. 2 નવેમ્બર 1965ના રોજ જન્મેલ શાહરૂખ ખાન આજે પોતાનો 58મો જન્મદિવસ ઉજવી રહ્યો છે. ચાલો આજે તેમના જન્મદિવસ પર તેમના વિશે કેટલીક રસપ્રદ વાતો જાણીએ.