સપ્તાહના છેલ્લા દિવસે એટલે કે શુક્રવારે સેન્સેક્સ અને નિફ્ટી ઘટાડા સાથે બંધ થયા છે. જેના કારણે રોકાણકારોને ભારે નુકસાન સહન કરવું પડ્યું હતું. સવારે 281 પોઈન્ટના ઘટાડા બાદ સેન્સેક્સ બપોરે 64,869.92 પર બંધ થયો હતો. તો નિફ્ટી 82 પોઈન્ટના ઘટાડા બાદ 19,283.20 પોઈન્ટ પર બંધ થયો છે.
કારોબારના અંતે માર્કેટમાં ડાઉનટ્રેન્ડ જોવા મળ્યું હતું તેમજ મિડકેપ, સ્મોલકેપ શેરોમાં પણ આજના કારોબારમાં ઘટાડો જોવા મળ્યો હતો. આ સમયે આઈટી, પીએસઆઈ અને રિયલ્ટી શેરોમાં વેચવાલી જોવા મળી હતી, જ્યારે પીએસયુ બેન્ક, એફએમસીજી, મેટલ ઈન્ડેક્સ ઉછાળા સાથે બંધ થયા હતા. ટેક મહિન્દ્રા હીરો મોટોકોર્પ, ટીસીએસ અને કોલ ઈન્ડિયા સાથે ટોચના નિફ્ટી ગુમાવનારા હતા જ્યારે અદાણી એન્ટરપ્રાઈઝ, અદાણી પોર્ટ્સ, મારુતિ સુઝુકી અને નેસ્લે ઈન્ડિયા ટોચના નિફ્ટી ગેનર હતા. એફએમસીજી અને પાવર સેક્ટર સિવાય સેક્ટરલ ઈન્ડેક્સ આજે રેડ ઝોનમાં બંધ થયા હતા જ્યારે આઈટી ઈન્ડેક્સ 1.5 ટકાના ઘટાડા સાથે બંધ થયા હતા. તો મેટલ ઇન્ડેક્સમાં 1 ટકાનો ઘટાડો જોવા મળ્યો છે. સેન્સેક્સના 30 શેરોમાંથી 9 શેરો ઉછાળા સાથે અને 21 નુકસાન સાથે બંધ થયા હતા. જ્યારે નિફ્ટીના 14 શેરોમાં 36 શેરોમાં ઘટાડો જોવા મળ્યો હતો.