આજે એટલે કે 26 ફેબ્રુઆરીએ શેરબજારમાં ઘટાડો જોવા મળી રહ્યો છે. સેન્સેક્સ 98 પોઈન્ટ ઘટીને 73,044 પર ખુલ્યો હતો. નિફ્ટી પણ 43 પોઈન્ટ તૂટ્યો હતો. તે 22,169 પર ખુલ્યો હતો. શરૂઆતના ટ્રેડિંગ દરમિયાન સેન્સેક્સના 30 શેરોમાંથી 17માં ઘટાડો અને 13માં વધારો થયો હતો. પેટીએમના શેર આજે 4% ઉપર છે.
GPT હેલ્થકેર IPO માં રોકાણ કરવાની તક
GPT હેલ્થકેર લિમિટેડના IPOમાં રોકાણ કરવાની આજે છેલ્લી તક છે. રિટેલ રોકાણકારો આ IPO માટે 22 ફેબ્રુઆરીથી 26 ફેબ્રુઆરી સુધી બિડ કરી શકે છે. કંપનીના શેર નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) પર 29 ફેબ્રુઆરીએ લિસ્ટ થશે.
GPT હેલ્થકેર લિમિટેડ IPO રૂ. 177-186ની પ્રાઇસ બેન્ડ નક્કી કરવામાં આવી છે. છૂટક રોકાણકારો ઓછામાં ઓછા એક લોટ એટલે કે 80 શેર માટે બિડ કરી શકે છે. જો તમે IPO ના અપર પ્રાઇસ બેન્ડ પર રૂ. 186 રૂપિયામાં 1 લોટ માટે અરજી કરવા માટે તમારે ₹14,880નું રોકાણ કરવું પડશે.
શનિવાર 2 માર્ચે શેરબજાર ખુલ્યું
નેશનલ સ્ટોક એક્સચેન્જ (NSE) અને બોમ્બે સ્ટોક એક્સચેન્જ (BSE) એ શનિવાર, 2 માર્ચના રોજ વિશેષ ટ્રેડિંગ સત્રની જાહેરાત કરી છે. NSE અને BSE એ બુધવારે એક પરિપત્ર જારી કર્યો હતો કે 2 માર્ચે નિર્ધારિત સત્ર દરમિયાન ઇક્વિટી અને ઇક્વિટી ડેરિવેટિવ્ઝ સેગમેન્ટમાં ટ્રેડિંગને મંજૂરી આપવામાં આવશે. આ દિવસે ડિઝાસ્ટર રિકવરી સાઇટ (DR સાઇટ) પર ઇન્ટ્રાડે સ્વિચ થશે. આ DR સાઇટ સાયબર હુમલા જેવી પરિસ્થિતિઓમાં ડેટાને સુરક્ષિત રાખવા માટે કામ કરશે. આ સિવાય બિઝનેસ પણ વધુ સુરક્ષિત બનશે.