આજે ભારતીય શેરબજારમાં તેજીનો દોર જોવા મળી રહ્યો છે અને રિલાયન્સ ઈન્ડસ્ટ્રીઝમાં ખરીદીના આધારે બજારને સપોર્ટ મળી રહ્યો છે. BSE સેન્સેક્સ 270.26 પોઈન્ટ અથવા 0.36 ટકા વધીને 74,953 પર અને NSE નિફ્ટી 77.50 પોઈન્ટ અથવા 0.34 ટકા વધીને 22,720 પર ખુલ્યો હતો.
સેન્સેક્સની સ્ટોક સ્થિતિ
સેન્સેક્સના 30 શેરોમાંથી 24 વધી રહ્યા છે અને 6 ઘટી રહ્યા છે. ભારતી એરટેલ 1.83 ટકા અને ટાટા સ્ટીલ 1.42 ટકા ઉપર છે. રિલાયન્સ 1.09 ટકા અને બજાજ ફાઇનાન્સ 0.81 ટકા સુધર્યા હતા. કોટક મહિન્દ્રા બેંક 0.77 ટકા અને ટેક મહિન્દ્રા 0.70 ટકા ઉપર છે.
9 એપ્રિલે શેરબજારની સ્થિતિ કેવી હતી?
ગઈકાલે એટલે કે 9મી એપ્રિલે શેરબજાર પહેલીવાર 75,000ને પાર કરી ગયું હતું. સેન્સેક્સ 75,124ની સર્વકાલીન ઊંચી સપાટીએ અને નિફ્ટી 22,768ની સર્વકાલીન ઊંચી સપાટીએ પહોંચ્યો હતો. જોકે, આ પછી માર્કેટમાં થોડો ઘટાડો જોવા મળ્યો હતો અને સેન્સેક્સ 58 પોઈન્ટ ઘટીને 74,683 પર બંધ થયો હતો. નિફ્ટી 24 પોઈન્ટ ઘટીને 22,642 પર બંધ રહ્યો હતો.