મુંબઈઃ છેલ્લા બે ટ્રેડિંગ સેશનથી ચાલુ રહેલ સ્થાનિક શેરબજારોમાં આવેલી તેજી ગુરુવારે અટકી ગઈ હતી. 30 શેરો વાળા પ્રમુખ ઈન્ડેક્સ સેન્સેક્સ 388.40 પોઈન્ટ ઘટીને 65,151.02 ના સ્તર પર બંધ થયા છે. ટ્રેડિંગ દરમિયાન તે 493.32 પોઈન્ટ નીચે હતો. નેશનલ સ્ટોક એક્સચેન્જનો નિફ્ટી પણ 99.75 પોઈન્ટ ઘટીને 19,365.25 પોઈન્ટની સપાટીએ બંધ રહ્યો હતો. સેન્સેક્સ પેકમાં ITC સૌથી વધુ 2.04 ટકા ઘટ્યો હતો. આ સિવાય પાવરગ્રીડ, રિલાયન્સ ઇન્ડસ્ટ્રીઝ, લાર્સન એન્ડ ટુબ્રો, નેસ્લે, કોટક મહિન્દ્રા બેંક, બજાજ ફાઇનાન્સ અને જેએસડબલ્યુ સ્ટીલના શેરમાં મોટા પ્રમાણમાં ઘટાડો નોંધાયો હતો.
બીજી તરફ, ટાઈટન, સ્ટેટ બેંક ઓફ ઈન્ડિયા, બજાજ ફિનસર્વ, એક્સિસ બેંક, ટાટા સ્ટીલ, સન ફાર્મા, ટેક મહિન્દ્રા અને ભારતી એરટેલનો સમાવેશ થાય છે. એશિયાના અન્ય બજારોમાં દક્ષિણ કોરિયાનો કેસ્પી, જાપાનનો નિક્કી અને હોંગકોંગનો હેંગસેંગ નુકસાનમાં છે જ્યારે ચીનનો શાંઘાઈ કમ્પોઝીટ નફામાં છે. યુરોપિયન બજારો પણ શરૂઆતના વેપારમાં મંદી તરફ વળ્યા હતા. બુધવારે પણ યુએસ બજારોમાં ઘટાડો ચાલુ રહ્યો હતો. વિશ્વનું ઓઇલ બેન્ચમાર્ક બ્રેન્ટ ક્રૂડ 0.36 ટકા વધીને $83.75 પ્રતિ બેરલ થયું છે. વિદેશી સંસ્થાકીય રોકાણકારોએ બુધવારે રૂ. 722.76 કરોડના શેર ખરીદ્યા હતા.