દિલ્હીની તિહાર જેલમાં બંધ AAP નેતા સાંસદ સંજય સિંહે આગામી રાજ્યસભા ચૂંટણી માટે ઉમેદવારી નોંધાવી છે. દિલ્હીની રાઉઝ એવન્યુ કોર્ટે કડક સુરક્ષા વ્યવસ્થા વચ્ચે તેમને રાજ્યસભામાં તેમના પુનઃ નોમિનેશન પેપર પર વ્યક્તિગત રીતે સહી કરવાની મંજૂરી આપી છે.
ગયા અઠવાડિયે શુક્રવારે, AAPની રાજકીય બાબતોની સમિતિએ સંજય સિંહ અને એનડી ગુપ્તાને તેમના બીજા કાર્યકાળ માટે ઉપલા ગૃહમાં સાંસદ તરીકે ચાલુ રાખવાનો નિર્ણય લીધો હતો. ઉલ્લેખનીય છે કે રાજ્યસભાની ચૂંટણી 19 જાન્યુઆરીએ યોજાશે.
આપને જણાવી દઈએ કે દિલ્હી લિકર પોલિસી સંબંધિત મની લોન્ડરિંગ કેસમાં આમ આદમી પાર્ટીના રાજ્યસભા સાંસદને રાઉઝ એવન્યુ કોર્ટમાંથી રાહત મળી નથી.