મુંબઈ
IPL 2023ની 37મી મેચમાં રાજસ્થાન રોયલ્સે ચેન્નાઈ સુપર કિંગ્સને 32 રને હરાવ્યું હતું. રાજસ્થાનની આઠ મેચમાં પાંચમી જીત છે. આ જીત સાથે ટીમ પોઈન્ટ ટેબલમાં ટોપ પર પહોંચી ગઈ છે. ગુરુવારે રમાયેલી મેચમાં રાજસ્થાનના કેપ્ટન સંજુ સેમસને ટોસ જીતીને પ્રથમ બેટિંગ કરવાનો નિર્ણય કર્યો હતો.
રાજસ્થાને ચેન્નાઈને 32 રને હરાવ્યું
રાજસ્થાન રોયલ્સ તરફથી યશસ્વી જયસ્વાલે 77 રનની ઇનિંગ રમી હતી. રાજસ્થાને 20 ઓવરમાં 5 વિકેટ ગુમાવીને 202 રન બનાવ્યા હતા. જવાબમાં ચેન્નાઈ 6 વિકેટ ગુમાવીને 170 રન જ બનાવી શકી હતી. આ મેચમાં ઘણા રેકોર્ડ નોંધાયા હતા.
રાજસ્થાનનો સતત ચોથો વિજય
રાજસ્થાનના કેપ્ટન સેમસનની CSK સામે સતત ચોથી જીત છે. આ સાથે તે મુંબઈ ઈન્ડિયન્સના કેપ્ટન રોહિત શર્માથી પાછળ છે. રોહિતની કપ્તાનીમાં મુંબઈએ ચેન્નાઈને સતત 5 મેચમાં હરાવ્યું છે.
આ મામલે મુંબઈ ઈન્ડિયન્સ સૌથી આગળ છે
IPLના ઈતિહાસમાં રાજસ્થાન પણ ચેન્નાઈ સામે સૌથી વધુ મેચ જીતનારી બીજી ટીમ બની ગઈ છે. CSK સામે RRની આ 13મી જીત છે. જોકે મુંબઈ ઈન્ડિયન્સ ટોપ પર છે. તેણે ધોની બ્રિગેડ સામે 20 મેચ જીતી છે.
એમએસ ધોનીના નામે નોંધાયેલ ખાસ રેકોર્ડ
આ મેચમાં એમએસ ધોનીના નામે એક ખાસ રેકોર્ડ પણ નોંધાયો છે. તેણે રાજસ્થાનના બેટ્સમેન ધ્રુવ જુરેલને રનઆઉટ કર્યો હતો. આ 23મી વખત છે જ્યારે ધોનીએ આઈપીએલમાં કોઈને રનઆઉટ કર્યા છે. તેણે આ મામલે રવિન્દ્ર જાડેજાના રેકોર્ડની બરાબરી કરી હતી.