સરકારે શુક્રવારે પાંચ વર્ષની રિકરિંગ ડિપોઝિટ સ્કીમનો વ્યાજ દર ડિસેમ્બર ક્વાર્ટર માટે 6.5 ટકાથી વધારીને 6.7 ટકા કર્યો હતો અને અન્ય તમામ નાની બચત યોજનાઓના દરો યથાવત રાખ્યા હતા. નાણા મંત્રાલયના પરિપત્ર મુજબ બચત થાપણો પર વ્યાજ દર 4 ટકા અને એક વર્ષની ફિક્સ્ડ ડિપોઝિટ પર 6.9 ટકા પર યથાવત રાખવામાં આવ્યો છે. સપ્ટેમ્બર ક્વાર્ટર દરમિયાન દરો સ્થિર રહ્યા હતા.
હવે વ્યાજ દર શું છે?
બે વર્ષ અને ત્રણ વર્ષની ફિક્સ્ડ ડિપોઝિટ પર વ્યાજ દર 7 ટકા છે, જ્યારે પાંચ વર્ષની ફિક્સ્ડ ડિપોઝિટ પરનો દર 7.5 ટકા છે. સિનિયર સિટીઝન સેવિંગ સ્કીમ પર 8.2 ટકા વ્યાજ દર મળશે. આ સિવાય મંથલી ઈન્કમ એકાઉન્ટ સ્કીમ પર વ્યાજ દર 7.4 ટકા છે જ્યારે નેશનલ સેવિંગ્સ સર્ટિફિકેટ (SSC) પર 7.7 ટકા અને પબ્લિક પ્રોવિડન્ટ ફંડ (PPF) સ્કીમ પર 7.1 ટકા છે.
તેવી જ રીતે, કિસાન વિકાસ પત્ર પર વ્યાજ દર 7.5 ટકા છે અને રોકાણ 115 મહિનામાં પરિપક્વ થશે. મંત્રાલય દ્વારા જારી કરાયેલા પરિપત્ર અનુસાર, લોકપ્રિય બાલિકા યોજના અને સુકન્યા સમૃદ્ધિ ખાતા પર વ્યાજ દર 8 ટકા પર યથાવત રાખવામાં આવ્યો છે. તમને જણાવી દઈએ કે સરકાર પોસ્ટ ઓફિસ દ્વારા ચલાવવામાં આવતી નાની બચત યોજનાઓ પર દર ક્વાર્ટરમાં વ્યાજ દરોની જાહેરાત કરે છે.
આ યોજનાઓના વ્યાજ દરોમાં કોઈ ફેરફાર કરવામાં આવ્યો નથી.
સુકન્યા સમૃદ્ધિ યોજના પર 1 ઓક્ટોબર 2023 થી 31 ડિસેમ્બર 2023 સુધી 8 ટકા વ્યાજ મળશે. નેશનલ સેવિંગ્સ સર્ટિફિકેટ પર વ્યાજ દર 7.7 ટકા પર યથાવત રાખવામાં આવ્યો છે. કિસાન વિકાસ પત્રમાં રોકાણકારોને 7.5 ટકા વ્યાજ મળશે અને તે 115 મહિનામાં પરિપક્વ થશે. સિનિયર સિટીઝન સેવિંગ સ્કીમ આ ક્વાર્ટરમાં 8.2 ટકા વ્યાજ આપશે. પોસ્ટ ઓફિસ મંથલી ઈન્કમ એકાઉન્ટ સ્કીમમાં રોકાણ પર તમને 7.4 ટકા વ્યાજ મળશે. એક વર્ષની ટર્મ ડિપોઝિટ પર 6.9% વ્યાજ, 2 વર્ષની ટર્મ ડિપોઝિટ પર 7% વ્યાજ, 3 વર્ષની ટર્મ ડિપોઝિટ પર 7% વ્યાજ અને 5 વર્ષની ટર્મ ડિપોઝિટ સ્કીમ પર 7.5% વ્યાજ મળશે.
PPF રોકાણકારોમાં નિરાશા
ફરી એકવાર, પબ્લિક પ્રોવિડન્ટ ફંડના વ્યાજ દરોમાં કોઈ વધારો કરવામાં આવ્યો નથી અને તેમાં રોકાણ કરનારા રોકાણકારોને માત્ર 7.1 ટકા વ્યાજ મળશે. એપ્રિલ 2020 થી પીપીએફના વ્યાજ દરોમાં કોઈ ફેરફાર થયો નથી, જ્યારે આરબીઆઈએ આ સમયગાળા દરમિયાન રેપો રેટમાં 2.50 ટકાનો વધારો કર્યો છે. સરકારે તમામ બચત યોજનાઓના વ્યાજદરમાં વધારો કર્યો છે. પરંતુ વ્યાજદરમાં વધારો ન થવાને કારણે પીપીએફમાં રોકાણ કરનારા રોકાણકારો નિરાશ થયા છે.