સલમાન ખાને કહ્યું- તે જય છે અને હું વીરુ છું
સલમાન ખાન અને શાહરૂખ ખાન બંનેની કારકિર્દી એક જ સમયે શરૂ થઈ હતી. બંને હાલમાં જ ‘પઠાણ’ અને ‘ટાઈગર 3’માં સાથે જોવા મળ્યા હતા જેમાં સલમાન ‘પઠાણ’માં અને શાહરૂખ ‘ટાઈગર 3’માં ગેસ્ટ રોલમાં હતા. સલમાને ‘પીટીઆઈ-ભાષા’ને કહ્યું, “ચાહકો ‘કરણ અર્જુન’ના સમયથી અમારો ઇતિહાસ જાણે છે. તે હંમેશા અમને પસંદ કરે છે. તેના ચાહકોની મોટી સંખ્યા છે અને હું પણ. અમે જ્યારે સાથે આવીએ છીએ ત્યારે થિયેટરોમાં ઉત્તેજનાનું વાતાવરણ હોય છે અને ફિલ્મ ઈતિહાસ રચે છે.અમુક લોકો અમારી સરખામણી જય અને વીરુ સાથે કરે છે તેવી ઘણી અટકળો છે. તે જય છે અને હું વીરુ છું.” સલમાને કહ્યું કે જ્યારે બંને સાથે હોય છે ત્યારે તેઓ સારો સમય પસાર કરે છે.