ગુરુવારે દિલ્હી જ્વેલરી માર્કેટમાં સોનું 350 રૂપિયા પ્રતિ તોલા વધીને 67,350 રૂપિયા થઈ ગયું હતું. જ્યારે ચાંદી રૂ.200 વધીને રૂ.77,450 પ્રતિ કિલોગ્રામ પર પહોંચી છે.
આંતરરાષ્ટ્રીય બજારોમાં મજબૂતાઈના વલણ વચ્ચે ગુરુવારે દિલ્હી જ્વેલરી માર્કેટમાં સોનું રૂ. 350 વધીને રૂ. 67,350 પ્રતિ 10 ગ્રામ પર પહોંચી ગયું હતું. તો છેલ્લા ટ્રેડિંગ સેશનમાં સોનું રૂ. 67,000 પ્રતિ 10 ગ્રામ પર બંધ થયું હતું. દરમિયાન ચાંદીનો ભાવ પણ રૂ.200 વધીને રૂ.77,450 પ્રતિ કિલોગ્રામ થયો હતો. છેલ્લા ટ્રેડિંગ સેશનમાં તે રૂ. 77,250 પ્રતિ કિલોના સ્તરે બંધ રહ્યો હતો.
વૈશ્વિક બજારમાં કોમેક્સ પર સોનાનો હાજર ભાવ 14 ડોલર વધીને 2194 ડોલર પ્રતિ ઔંસ થયો છે. વ્યાજદર અંગે હકારાત્મક સેન્ટિમેન્ટ વચ્ચે સોનાના ભાવમાં તેજીનો ટ્રેન્ડ રહ્યો હતો. પરંતુ ડૉલર ઇન્ડેક્સમાં વધારો પીળી ધાતુના ભાવ પર દબાણ લાવી શકે છે.
જાણીતા વિશ્લેષકોના મતે સોનાના ભાવમાં 2,200-2,215 ડોલરના સ્તરે મજબૂતી જોવા મળી હતી. ચાંદીનો ભાવ પણ નજીવો વધીને 24.55 ડોલર પ્રતિ ઔંસ થયો હતો. છેલ્લા ટ્રેડિંગ સેશનમાં સોનું 24.50 ડોલર પ્રતિ ઔંસ પર બંધ થયું હતું.
સોનામાં સકારાત્મક અને સ્થિર કારોબાર જોવા મળ્યો હતો. પરંતુ મુખ્ય કરન્સી સામે ડોલર મજબૂત થયો છે. ગુરૂવાર અને શુક્રવારના જીડીપી અને ફુગાવાના ડેટા પહેલા રોકાણકારો સાવચેત છે.