હમાસે કઇ યુવતીનો વીડિયો જાહેર કર્યો, યુવતીએ વીડિયો દ્વારા કરી આ અપીલ…
ડિજિટલ ડેસ્ક- હમાસ અને ઈઝરાયેલ વચ્ચે સતત યુદ્ધ ચાલી રહ્યું છે. બંને તરફથી હુમલા ચાલુ છે. ઈઝરાયેલે પણ હમાસ પર હુમલા તેજ કર્યા છે.હમાસે અઠવાડિયા સુધી ચાલેલા યુદ્ધમાં સેંકડો લોકોને બંધક પણ બનાવ્યા છે. જેનો અન્ય દેશોએ પણ વિરોધ કર્યો છે.
યુદ્ધની વચ્ચે હમાસે એક બંધકનો વીડિયો પણ જાહેર કર્યો છે. હમાસે આ વીડિયો કયા હેતુથી જાહેર કર્યો છે તે અંગે હજુ સુધી કંઈ સ્પષ્ટ થયું નથી. હમાસ દ્વારા જે યુવતીનો વીડિયો જાહેર કરવામાં આવ્યો છે તેનું નામ મિયા શેમ છે. વીડિયોમાં 21 વર્ષની આ યુવતી પોતાના વિચારો વ્યક્ત કરતી વખતે ડરી ગયેલી જોવા મળે છે. અને યુદ્ધની વચ્ચે, તે અપીલ કરી રહી છે કે તેને શક્ય તેટલી વહેલી તકે મુક્ત કરવામાં આવે.
માનવામાં આવી રહ્યું છે કે હમાસે બ્લેકમેલ કરવાના ઈરાદે આ વીડિયો બનાવ્યો છે. આ વીડિયો દ્વારા તે દુનિયાના અન્ય દેશોને પોતાના ઈરાદા બતાવવાનો પ્રયાસ કરી રહ્યો છે.
ઈઝરાયેલના મીડિયા રિપોર્ટ્સ અનુસાર, હમાસે મિયા શેમનો વીડિયો તેની અરબી ટેલિગ્રામ ચેનલ પર રિલીઝ કર્યો છે. વીડિયોમાં બતાવવામાં આવ્યું છે કે હમાસ કમાન્ડર યુવતીને મેડિકલ ટ્રીટમેન્ટ આપી રહ્યો છે. પરંતુ હવે તે ઠીક છે.હમાસ દ્વારા તેની સારવાર કરવામાં આવી રહી છે.