હસવાના સ્વાસ્થ્ય લાભો: શું તમે જાણો છો કે હાસ્ય તમારા સ્વાસ્થ્ય માટે દવા જેવું કામ કરે છે? જ્યારે આપણે મોટેથી હસીએ છીએ, ત્યારે આપણું શરીર વિવિધ પ્રકારના રસાયણો છોડે છે જે હૃદયની તંદુરસ્તી માટે જરૂરી છે. જ્યારે તમે હસો છો, ત્યારે તમારો તણાવ પણ ઓછો થાય છે. તે હાર્ટ એટેકનું જોખમ ઘટાડે છે. આ સિવાય હસવાથી ફેફસાં મજબૂત બને છે. તે રક્ત પરિભ્રમણને પણ સુધારે છે. આ સિવાય હસવાથી શરીરને ઘણા ફાયદા થાય છે.
જો તમારે લાંબો સમય યુવાન રહેવું હોય તો હસતા રહો. હસવાથી ચહેરાના 15 સ્નાયુઓ એક સાથે કામ કરે છે. જેના કારણે ચહેરામાં રક્ત પરિભ્રમણ વધે છે જેના કારણે વ્યક્તિ જુવાન દેખાય છે.
જે લોકો વધુ હસે છે, તેમનું બીપી કંટ્રોલમાં રહે છે. કારણ કે હાસ્ય રક્તવાહિનીઓનું કાર્ય સુધારે છે અને રક્ત પરિભ્રમણ વધારે છે.
હાસ્ય તમારું વજન નિયંત્રણમાં રાખે છે. તે તણાવ સ્તરને ઘટાડે છે. જેના કારણે સ્ટ્રેસ હોર્મોન ઓછું થાય છે. તેનાથી વજન પણ કંટ્રોલમાં રહે છે. હસવાથી કેલરી પણ ઝડપથી બર્ન થાય છે.
જ્યારે તમે હસો છો ત્યારે તમારા હૃદયના ધબકારા વધે છે અને શરીરમાં ઓક્સિજનનું પ્રમાણ વધે છે અને શરીરમાં ઓક્સિજનનું સ્તર વધવાથી હૃદયની તંદુરસ્તી સુધરે છે.